DILI (Timor Post.com)— Komisaun Anti-Korrupsaun (KAK) ho prokuradór Estadus Unidus Amérika (EUA) na’in rua, Fahe informasaun ba malu, oinsá bele halo kombate korrupsaun.
Tu’ir Diretór Investigasaun KAK, José de Araújo Verdiál hatete iha pájina KAK, Sesta-feira (20/10/2023), hamutuk ho prokuradór EUA na’in rua, objetivu oinsá atu bele kombate korrupsaun,
“Ami investigadór sira iha ne’e, la haree ba sé mak halo korrupsaun, maibé oinsá bele neutraliza atuasaun hot-hotu” nia subliña.
Nia dehan, Prokuradór EUA na’in rua, hakarak rona esperiénsia di’ak, kona-ba Timor-Leste nia asaun no esforsu sira ba kombate korrupsaun iha área investigasaun kriminál nian.
Prokuradór EUA na’in rua ne’e, hakarak hatene, esperiénsia KAK nian, nu’udar órgaun polisiál kriminál ba krime korrupsaun ne’ebé iha independénsia téknika ba servisu sira investigasaun nian.
Diretór afirma, Durante tinan sanulu-resin-tolu (13) KAK nia ezisténsia, investigadór nia servisu ho profisionálidade no integridade hodi atua kazu sira ne’ebé delega husi Ministériu Públiku sein intervensaun polítika husi podér polítiku sira.
Nia esplika, Investigadór KAK mós la hetan intervensaun estruturalmente ba kualkér Komisáriu ho nia estrutura sira ne’ebé lidera KAK husi mandatu primeiru to’o terseiru.
Tanba kazu boot sira ne’ebé involve membru governu balun ne’ebé KAK investiga, konsege prosesa ba tribunál no ikus mai hatama duni ba prizaun.
Prinsípiu integridade no independénsia ba kualkér kazu ne’ebé komisáriu KAK delega ba investigadór sempre kumpre de’it ba lei, hala’o servisu investigasaun nian. Nia reál sá.
Diretór Jerál deklara, krime kompleksidade sira iha prosesu aprovizionamentu nian, dala-barak, krime korrupsaun iha área aprovizionamentu nian akontese konflitu interese bo’ot entre podér polítiku no emprezáriu sira.
“Ami simu denúnsia krime sira korrupsaun nian husi públiku hamutuk denunsia 43 no investigadór sira KAK termina ona nia averiguasaun ba denunsia 16 hodi halo auto-partisipasaun ba Ministériu Públiku. Nia hateten.
786 total views, 3 views today
Bele hare Video Seluk :
Subscribe to Timorpost
