ADVERTISEMENT

Eis Konsuladu iha Austrália Krítika Ministra Adaljiza

Mario da Costa - Justisa
Reportajen : Jaime Pires
Editor : Mario da Costa
  • Share
Eis Konsuladu Jerál iha Austrália, Luciano da Conceição "Timor Maubere", ho nia defensór privadu Sergio Quitas, Imajen TP/Jaime Pires

DILI (timorpost.com) – Eis Konsuladu Jerál iha Austrália, Luciano da Conceição “Timor Maubere”, krítika Ministra Negósiu Estranjeiru no Kooperasaun, Adlajiza Magno, nia servisu.

Nia hatete, Ministra ne’e boson públiku dehan nia parte mak troka tiha konta bankária Estadu nian iha Sidney Austrália.

ADVERTISEMENT
SCROLL FILA BA NOTISIA

“Hamutuk ho ha’u-nia defensór privadu Sergio Quitas, atu ko’alia aktu Ministra Negósiu Estranjeiru no Kooperasaun, Adaljiza Magno, hodi estraga ha’u-nia naran pesoál iha Públiku no mós imajen Timor-Leste nian iha Austrália,” nia hateten liuhusi Konferénsia Imprensa iha Bidau Lecidere, Kinta (27/10).

Lee Mós:
Tribunal Distritál Baukau Falta Fasilidade

Nia dehan, konta bankária Estadu Timor-Leste nian iha Sidney Austrália loke dezde ínisu iha 2003, konta bankária nia númeru mak nafatin ne’e. Hahú husi 16 fulan Jullu 2019 nia parte ba assume hanesan Konsul Jerál iha Austrália, konta bankária mak ne’e nafatin.

“Iha loron 04 fulan Outubru ne’e ha’u ho ha’u-nia defensór hatama ona ami-nia petisaun hasoru Ministra, kona-ba lia bosok ka lia falsu sira ne’ebé Sua-Exelénsia Ministra Adaljiza, hato’o ba iha Públiku, prosesu ne’e sei la’o, iha tempu badak nia laran Tribunál sei bola ba hatán,” hateten nia.

Lee Mós:
Kopa Mundiál Fransa Kontra Australia Rezultadu 4-1 

Nia subliña, tanba konta bankária ne’e loke tinan kleur tiha ona, molok nia ba servisu iha ne’ebá, kada tinan osan tama iha konta bankária ne’e, maibé dehan troka ne’e oinsá, dokumentu komprovativu sira mak iha liman ne’e bele haree.

“Dokumentu sira ne’e iha ami-nia liman, atu nune’e responsabiliza, señora Ministra dehan ha’u troka konta bankária, entaun konta bankária foun mak ida ne’ebé no osan tama iha ne’ebé, tanba depois de fulan lima osan tama nafatin iha konta bankária tuan ne’e to’o agora ha’u sai mós osan tama nafatin,” nia deklara.

Lee Mós:
Mate-isin Jape Kong Su To'o Ona iha Aeroportu Komoro

Portantu liga ho kestaun ne’e, iha Sesta (28/10), Jornalista Timor Post, tenta konfirma ho Ministra Adaljiza Magno, iha edifísiu Ministériu Finansas, Ai-tarak laran, maibé lakohi responde deklarasaun Eis Konsuladu iha Sidney Austrália ne’e nian.

“Ha’u labele halo komentáriu kona-ba ida ne’e, se nia prosesu ona atu hasoru ha’u, ha’u labele halo Responde kona-ba ida ne’e,” hatán Ministra Adaljiza.

 889 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Eis Konsuladu iha Austrália Krítika Ministra Ad…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: