(Reportajen Estaziadu Mariano Abi/Asistente Editor Hermenegildo da Costa Tilman)
Dili (Timor Post) – Komemorasaun Aniversáriu Dili Institute of Technology (DIT) ba dala XX nian, Asosiasaun DITSA abertura Reitór Cup ba-dala II, liu husi atividade hanesan desportu, arte kultura, konsertu múzika, dansa kultura, hodi promove talentu foin sa’e sira nian,
“Eventu ida ne’e ami loke ho objetivu hodi selebra Dies Natalis Instituisaun DIT nian ba dala-XX, ho ida ne’e, ami organiza eventu refere, ho modalidade oioin, no modalidade sira ne’e ami loke de’it ba ensinu sekundáriu sira de’it, la inklui Universitáriu, ho ida ne’e, atu atu koñese DIT ba sira, no hodi promove foin sa’e sira nia talentu,” dehan reitor DIT, Alvaro Menezes Amaral, ba Jornalista sira iha knua DIT, Sábadu (09/04).
Nia hatete, eventu ne’e sei kompete husi eskola ensinu sekundáriu sira hamutuk 19, kompostu husi, Ensinu Sekundáriu Jerál Anur, Amigu de Jesus, Koléjiu Saun Paulo (CPS), Cafe Taibesi, Ensinu Sekundáriu Tékniku Vokasionál (ESTV) Aileu.
Eskola Téknika Informátika (ETI), SGAM Aileu, Finantil, Heroes da Patria, Imakulada Tibar (IHMS), Nikolau Lobato, São Pedro, Saun Miguel, Saun José Operáriu, Sacrojes, San Jus International School (SJTIS sigla Ingles), 04 de Setembru no Canossa.
Nia husu ba partisipante sira atu hatudu fraternidade, amizade iha eventu ne’e no hatudu moral sport atividade nian.
Entretantu, Prezidente Asosiasaun DITSA, Titanio Valentino Pereira, haktuir, atividade desportu akademika, hodi komemora Dies Natales DIT nian ba dala-II, no mós promove foin sa’e sira nia diretu liu husi Arte no Desportu.
Atividade refere organiza husi Asosiasaun estudante DIT no Eskola Viajen TTN 2021 ne’ebé mak hanaran DITSA. Atividade ne’e hetan suporta másimu husi knua DIT no mós partisipasaun husi eskola sira hotu, la inklui Universitáriu.
“Ba fundu nian ne’e, deskulpa, ha’u labele dehan sai ba públiku, no eventu ida ne’e ho orsamentu ne’ebé mak boot teb-tebes, apoiu tomak husi knua DIT,” nia hakotu. (Lee Notisia Seluk Iha Jornal Timor Post/ Asesu You Tube Timor Post)
1,175 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![DIT Abertura Reitór Cup Hodi Komemora Aniversáriu ba Dala XX](https://timorpost.com/wp-content/uploads/2022/04/ahi-obor-e1649577189160.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)