ADVERTISEMENT

Inan Isin Rua Sei Hetan Subsídiu 15 USD Kada Fulan

Mateus da Cruz - Dili
  • Share
Diretór Diresaun Nasional Asisténsia Sosiál (DNAS), Lucas Tois, Imajen TP/Mariano Abi

(Reportajen Estaziadu Mariano Abi/Asistente Editor Hermenegildo da Costa Tilman)

Dili (Timor Post) – Ministériu Solidariedade Sosiál no Inkluzaun (MSSI) liu husi Diresaun Nasionál Asisténsia Sosiál (DNAS) kria programa Bolsa da Mae hodi fó subsídiu 15 USD kada fulan ba inan isin rua, hodi bele sosa hahán nutritivu durante períodu gravidade fulan sia nia laran.

ADVERTISEMENT
SCROLL FILA BA NOTISIA


Diretór Diresaun Nasionál Asisténsia  Sosiál (DNAS), Lucas Tois, hatete, programa ne’e fó subsídiu ba inan isin rua, inklui inan sira ne’ebé seidauk kaben ou sira ne’ebé mak sei eskola hetan ona oan, sira iha direitu asesu ba Bolsa da Mae ne’e.

Lee Mós :
Prezidente ANPM Sujere Governu Hatún Tasa Kombustivel no Kria Subsídiu

Lee Notisia Relevante : Labarik Sira Hosi Tinan 0 To’o 6 Sei Hetan Subsídiu Kada Fulan Hosi Governu

“Alvu husi programa ne’e mak ita atu foka ba inan ne’ebé isin rua katak,  maibé la’ós obrigatóriu, karik inan isin rua balu lakohi aplika ba programa ne’e la obriga,” nia dehan ba Jornalista sira, iha Otél Timor, Tersa (29/03).

Lee Mós :
KOMJER Bandu Membru PNTL Simu Subsídiu "Fim do Ano" 

Nia subliña tan, inan isin rua sei hetan subsídiu durante fulan sia, ho objetivu atu enkoraja sira nia aan, atu bele vizita ba iha sentru saúde, no mós fasilidade saúde sira atu hetan akompañamentu no akonsellamentu regulár durante períodu gravidés.

“Subsídiu ida ne’e mós, atu insentiva rendimentu ne’ebé agora inan isin rua sira iha, atu sira bele sosa hahán nutritivu ba konsumu durante períodu gravidés,” nia hateten.

Lee Mós :
Diversifika Produtu Lokál Hodi Estabelese Loja Agrikultór

Programa ne’e, sei implementa iha fulan Abríl ou Jullu tinan ne’e, sei hahú hsu munisípiu tolu hanesan Ainaru, Bobonaru no Oekusi, no sei kontinua rejistu ba benefisiáriu ba munisípiu seluk sira seluk tuir mai. Nia hakotu. (Lee Notísia Seluk iha Jornál Timor Post/Asesu You Tube Timor Post)

 1,127 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Inan Isin Rua Sei Hetan Subsídiu 15 USD Kada Fulan” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No