ADVERTISEMENT

Dezembru Foin Fahe Subsídiu Fim do Ano 200 USD ba Kada Uma-Kain

Mario da Costa - Ekonomia
Reportajen : Jaime Pires
Editor : Mário da Costa
  • Share
Vise Primeira Ministra, Armanda Berta dos Santos, Imajen Esp.

DILI (timorpost.com) – Vise-Primeira Ministra no Ministra Solidariedade Sosiál no Inkluzaun (MSSI), Armanda Berta dos Santos, relata inisiu fulan Dezembru mak foin halo lansamentu fahe subsídiu fim do ano 200 USD, ba kada uma-kain sira.

“Sim, orsamentu ba Fim do Ano nian ne’e Prezidente Repúblika, foin mak promulga no parte tékniku sira agora sei prepara hela dadus sira hodi separa sira ne’ebé saláriu 500 USD ba leten,” hateten Armanda Berta, iha Parlamentu Nasionál, Kinta (17/11).

Nia aumenta, tanba ne’e mak dadus ba benefisiáriu sira ne’ebé atu hetan subsídiu fim do ano ida ne’e seidauk klaru tanba ekipa tékniku sira foin atu halo esportasaun hodi bele hatene hira mak atu sai benefisiáriu.

“Dadus antes ne’e ha’u la lebra, maibé kuaze uma-kain hamutuk 339 mill, agora sei halo fali tan separasaun no kontajen fali, hodi sira ne’ebé saláriu husi 500 USD tun mai kraik mak bele hetan,” hateten nia.

Lee Mós:
KOMJER Bandu Membru PNTL Simu Subsídiu "Fim do Ano" 

Nia subliña, orsamentu atu implementa ba subsídiu 200 USD, ne’e mak nia montante milões 68 USD, hodi fahe ba uma-kain sira iha territóriu ne’ebé nia rendimentu menus husi 500 USD.

“Agora hein de’it iha primeiru semana fulan Dezembru ne’e ita bele halo ona lansamentu hodi halo pagamentu ona ba uma-kain sira iha Timor-Leste tomak,” Berta deklara.

Nia haktuir, antes ne’e tuir planu atu halo lansamentu iha loron 16 fulan Novembru horisehik, maibé halo fali revizaun no Prezidente Repúblika foin halo fali promulgasaun.

Lee Mós:
PR Horta: Subsídiu Osan 200 USD, ba Uma-Kain Prioridade ba Komunidade

“Tanba ne’e mak ekipa tékniku sira sei prepara hela fó tempu ba sira hodi halo servisu hodi bele hatene uma-kain hira mak atu hetan, maibé iha semana dahuluk fulan Dezembru ne’e ita halo ona pagamentu,” nia afirma.

 3,349 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Dezembru Foin Fahe Subsídiu Fim do Ano 200 USD …” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: