(Reportajen Jaime Pires)
DILI (Timor Post)- Polísia Nasionál Timor-Leste (PNTL) Munisípiu Dili kaer membru Persaudaran Setia Hati Terate (PSHT), hamutuk na’in (117) iha Manleuana hafoin selebra sira ba sa’e sintu iha fulan kotuk iha Atambua.
PNTL Munisípiu Dili, hamutuk ho ekipa investigasaun kaer membru (GAM) ne’e iha Aldeia Mundu Perdidu, Suku Manleuana Postu Administrativu Dom Aleixo Munisípiu Dili, Kuarta (08/09) madrugada ne’e.
Komandu PNTL ne’ebé mak lideradu husi, Superentendente Xefe Henrique da Costa ho nia membru sira ba kaptura sidadaun sira ne’e ho kedas evidensia Arte Marsiais Persaudaran Setia Hati Terate (PSHT) nia inklui mós evidensia balun hanesan motor (92) no kareta (3).
Nune’e mós sira kontra orden estadu nia hanesan Dili sei aplika Serka Sanatiria no Konfinamentu Domisiliariu Obrigatoriu, maibé sira kontinua halibura Malu barak.
Membru (PSHT) ne’ebé mak sira kaptura ne’e kompostu husi Mane (93), no feto hamutuk na’in (23) mak PNTL kamptura iha Manleuana ne’e.
Tuir observasaun ne’ebé mak Timor Post hare iha terenu, membru (GAM) hamutuk na’in (116) ne’e lori ona mai tau iha Komandu PNTL Munisípiu Dili hodi kontinua ba halo investigasaun.
Enkuantu dadaun ne’e parte PNTL mós servisu hamutuk ho ekipa médiku husi Covid-19 nia hodi halo kedas teste swap ba sira molok halo investigasaun.(Lee notísia seluk iha jornál Timor Post)
984 total views, 3 views today
Bele hare Video Seluk :