Dili(timorpost.com)—Pro-Reitór Akadémika Institute of Technology (DIT), Aderita M.T dos Santos, hatete tinan ne’e estudante DIT hosi Fakuldade Petróleu ba halo estájiu iha nasaun Indonézia.
“Tinan ida ne’e, ita nia estudante hamutuk na’in-300 resin mak sei halo estájiu balu estájiu iha Dili laran, balu estájiu iha munisípiu no fakuldade petróleu ba estájiu iha Indonézia”, dehan Aderita M.T dos Santos afirma hatete ba jornalista TP iha nia knaar fatin, Kuarta (26/04/2023).
Nia dehan, estudante fakuldade petróleu ba hala’o estájiu iha Indonézia ne’e atu ba haree ka observa mina ninian.
Estudante sira ne’e hosi fakuldade haat no departamentu sanulu. Iha fakuldade haat ne’e mak fakuldade Turizmu, iha departamentu Hotel Management no Tour Travel Management, Fakuldade Siénsia Enjeñaria, iha departamentu Enjeñaria Sivíl, Mekánika Enjeñaria no Siénsia Komputadór.
Fakuldade Business Management, iha departamentu Kontabilidade, Jestaun Finansas no Jestaun Jerál. Fakuldade Estudu Petrolíferu, iha departamentu petróleu Management no petróleu Enjeñaria.
“Molok sira hala’o estájiu, iha trimestre ba dala sia nian, antes ne’e sira simu uluk matéria ne’ebé atu ba estájiu iha trimestre hitu nia laran no matéria ne’e hotu hafoin sira bele tun ba terrenu hodi bele halo estájiu durante fulan rua”, nia deklara.
Nune’e mós nia hato’o ninia mensajen ba estudante sira ne’ebé hala’o hela estájiu, atu sira prepara-an didi’ak hodi hala’o estájiu.
“Ha’u nia mensajen ba alin estudante sira ne’ebé hala’o estájiu, ita boot sira prepara-an didi’ak, tanba durante ita-boot sira hetan ona teoria trimestre hitu no ba pratika karik hala’o didi’ak material ne’ebé ita-boot sira simu ona”, nia hakotu.
1,278 total views, 3 views today
Bele hare Video Seluk :
Subscribe to Timorpost
