(Reportajen Estaziadu Cardenio Alves/Asistente Editor Hermenegildo da Costa Tilman)
Dili (Timor Post)—Problema Mal Nutrisaun iha Timor Leste daudaun ne’e kontinua sa’e maka’as.
Prezidente Institutu Para Defeza do Direitu das Crianças Institutu Públiku (INDDICA I.P), Dinorah Granadeiro, hatete, dadus husi Ministériu Finansas no Diresaun Estatístika hatudu katak kuaze porsentu haat nulu resin ualu (48) labarik iha Timor Leste daudaun ne’e sofre problema ne’e.
“Tuir relatóriu ne’ebé ami hala’o kada tinan haat husi Ministériu Finansas no INDDICA, ne’e deskreve situasaun labarik sira ne’e hatudu 48% labarik sira husi populasaun Timor Leste sei sofre hela ba problema mal nutrisaun no moris iha kiak”, nia informa ba Jornalista sira iha Salaun Auditoria MF Ai-tarak laran, Tersa (24/5).
INDDICA nafatin esforsu hodi servisu hamutuk ho liña Ministerial sira hodi bele tulun ba Programa Refere atu nune’e hamenus problema mal nutrisaun ne’ebé mak agora daudaun buras hela iha rai laran.
“Iha Ministériu haat ne’e sai promotór ba situasaun labarik nian, hanesan Ministériu Saúde (MS), Ministériu Solidariedade social no Inkluzaun (MSSI) Ministériu Edukasaun Juventude no Desportu (MEJD) No Ministériu Justisa (MJ), tanba sira ne’e mak liga ba asuntu labarik Nian, maibé la taka dalan ba ministériu hotu-hotu atu apoiu ba Dezenvolvimentu labarik sira nian.” nia afirma.
Atu hamenus no alkansa husi situasaun ne’e mak Institutu Nasionál Para Defeza do Direitu Das Crianças, sei kontinua nafatin hala’o sensibilizasaun, advokasia no promosaun ba populasaun hotu hodi hasa’e sira nia koñesimentu nune’e bele garante moris dignu ba labarik Sira. Lee Notísia Seluk Iha Jornál Timor Post/ Asesu You Tube Timor Post)
830 total views, 3 views today
Bele hare Video Seluk :