ADVERTISEMENT

Negosiante Hetan Rendimentu Di’ak iha Expo Portu Dili

Liduway Xavier - Dili · Ekonomi · Jeral
Jornalista : Florindo Coluna
Editor : Liduway Xavier
  • Share

DILI, (timorpost.com) — Negosiante timoroan ne’ebé partisipa iha expo ba komemorasaun loron Proklamasaun Independénsia Unilaterál, 28 Novembru ba dala-48 (28 Novembru 1975-2023) hetan rendementu di’ak durante semana ida nia-laran.

Negosiante, Merlinda Soares, informa ba Timor Post iha Expo Portu Dili, hatete, durante semana ida nia-laran sira sempre hetan osan husi vizitante sira ne’ebé kalan-kalan partisipa konsertu. Produtu lokál ne’ebé nia fa’an iha expo ne’e maka kafé timor, katupa, fe’uk sona, batar sona, hirak ne’e hotu kalan ida sira bele hetan osan entre dolar Amerikanu $100USD to’o $200USD.

ADVERTISEMENT
SCROLL FILA BA NOTISIA


“Kuaze semana ida ona ami fa’an sasán iha expo komemorasaun loron Independénsia ne’e, ami hetan rendementu di’ak, ema barak kalan-kalan mai sosa, kalan ida ami bele hetan di’ak ida ami hetan $100USD, sa’e liu mak ami hetan to’o $200USD resin, ami fa’an kafé timor, katupa, hudi sona, batar sona, no bebidas sira ne’e folin”, Merlinda informa iha Portu Dili, Segunda, (27/11/2023).

Lee Mós :
Negosiante Hahú Fa’an Iha Resintu Eskola

Nia informa, rendementu ne’ebé nia hetan iha kalan expo ne’e barak liu kompara loron baibain fa’an iha uma ka iha fatin negósiu, dalaruma loron ida hetan de’it osan menus husi $50USD, maibé nia kontenti ho realizasaun expo ne’e tanba sira-nia sasán folin, ema bele sosa.

“Ami fa’an iha liur ne’e, loron baibain ami la hetan osan hanesan agora daudauk ami hetan ne’e, dalaruma fa’an iha ami-nia uma hetan de’it loron ida menus husi 50,USD”, Merlinda hatete.

Lee Mós :
Governu TL Entrega Sertifikadu Deklarasaun Benefisiáriu Ba Empreza Aero Dili

Tanba ne’e, nia husu Governu kontinua realiza expo ba selebrasaun loron bo’ot sira, atu nune’e povu ki’ik, liuliu negosiante ki’ik sira bele fa’a sira-nia produtu.

Iha fatin hanesan negosiante, Antoneta Carvalho, sente kontente tanba modifikasaun tais ba karteira, pasta, sapeu, brinkus, kelu, no modellu produtu sira seluk folin di’ak iha expo refere, tanba expo ne’e hetan vizita husi ema estranjéiru no timoroan rasik ne’ebé maka sosa sasán kalan-kalan.

“Modifikasaun tais ba pasta, karteira, sapeu, brinkus, kelu no sira seluk, ne’e ami hetan kalan ida bele $150USD to’o $250USD, ema estranjéiru ho ita-nia timoroan barak mós mai sosa, ne’ebé ami durante semana ida partisipa iha expo loron independénsia ne’e ami hetan osan di’ak kompara loron baibain”, Antoneta, hatete.

Lee Mós :
Negosiante Preokupa Produtu Lokál La Folin iha Merkadu

Tanba ne’e, nia agradese ba Ministériu Komérsiu Industria ne’ebé mak organiza komersiante sira hodi partisipa iha expo refere, ne’ebé bele fó benefísiu di’ak ba negósiu ki’ik sira.

Expo Portu Dili ba komemorasaun loron Proklamasaun Independénsia Unilaterál ba dala-48 ne’e realiza durante loron 8 hahú husi loron 20 to’o 28 Novembru tinan ne’e.(*)

 1,113 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Negosiante Hetan Rendimentu Di’ak iha Exp…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No