ADVERTISEMENT

Rogerio Lobato Konsidera Desizaun TDD ba Kazu Droga La Justu

Mario da Costa - Jeral
Jornalista : Beatriz Belo
Editor : Mário da Costa
  • Share
Eis Ministru Interior, Rogerio Tiago Lobato, Imajen TP/Beatriz Belo

DILI (Timor Post) – Eis Ministru Interior (MI), Rogerio Tiago Lobato, konsidera desizaun ikus husi Tribunal Distritál Dili (TDD), ba autor na’in-9 ne’ebé envolve iha tranzasaun dogra la justu tanba aplika de’it Termu Identidade Rezidénsia (TIR) ho aprezentasaun Períodika.

Nia hatete, ema ne’ebé komete krime ilísitu ne’e, tuir loloos nia tama prizaun la’ós fó fali TIR. Tanba iha nasaun seluk, kuandu kaer ema ne’ebé komete krime ne’e sira oho, tuir iha Timor-Leste ne’e haruka tama prizaun la’ós fó medida TIR no aprezentasaun períodika.

ADVERTISEMENT
SCROLL FILA BA NOTISIA


Lee Mós :
Vise PN Lamenta ho Desizaun TDD ba Kazu Droga

“Ha’u sente katak tenke hadi’a justisa, no Tribunál sira mós tenke haree ba ida ne’e, para bele fó kribilidade ba justisa. Ha’u rona katak, kaer ema na’in-9, ne’ebé komete krime iha flagrante de lito, maibé sira hetan de’it Termu Indentidade Rezidénsia (TIR), ne’e la justu,” nia hateten hafoin remata Aniversáriu Unidade Espesiál Polisia (UEP) ba dala-13, iha UEP Bairru-Pite, Tersa (16/08).

Nia haforsa tan, tuir nia opiniaun pesoal sente katak laloos, maibé laiha buat ida, tanba justisa mak halo ida ne’e no hola desizaun ida, maibé tuir nia tenke hadi’a Justisa.

Lee Mós :
Diretór Ajensia New Generation submete ba PI  

“Ha’u hatene iha kazu droga ne’e, lider balun nia família no mane foun, ne’ebé ita haree justisa ne’e nia independénsia ne’e to’o iha ne’ebé, ema ki’ik kuandu kaer tama kadeia, maibé ema boot nia oan hetan TIR de’it, nune’e ha’u haree ida ne’e laiha justisa liu,” nia dehan.

Tanba ne’e, ema hotu-hotu servisu para hadi’a justisa, justisa la’ós Governu de’it, maibé husi mós parte sosiedade sivíl tenke fó sira hanoin no opiniaun hodi hadi’a justisa.

Lee Mós :
Semana Santa Páskua, TDD Suspende Atividade Julgamentu

“ItaTimor ne’e rai ida ne’ebé ki’ik, rai ida kee foin 20 ano independénsia, maibé kontinua iha problema hanesan,” nia afirma.

Ikus nia haforsa liután, tuir loloos parte PNTL halo kapturasaun ba sira ne’ebé komete krime flagrante de lito, tuir Tribunál sira hola desizaun ne’ebé loloos.

 2,084 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Rogerio Lobato Konsidera Desizaun TDD ba Kazu D…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No