ADVERTISEMENT

Festivál Ataúru, Negosiante Eugenia Hetan Lukru 500 USD

Mario da Costa - Atauro · Ekonomia
Reportajen : Cesario de Souza
Editor : Mario da Costa
  • Share
Negosiante Eugenia Soares, Imajen TP/Cesario de Souza

Ataúru (timorpost.com) – Festival Múzika no Kultura Ataúru kuaze semana ida, lori lukru 500.00 USD, ba negosiante fan katupa no ikan lalar, Eugenia Soares, iha Portu Beloi, Munisípiu Ataúru.

“Semana ida ne’e ha’u hetan kuaze 500.00 USD ital, kompara ho loron seluk, ida ne’e mak lukru ne’ebé ha’u hetan boot liu bainhira ha’u fan ikan no katupa iha fatin ne’e,” hateten Negosiante ne’e ba Timor Post ho oin hamnasa iha Portu Beloi, Kuarta (23/11).

Nia dehan, iha istória Ataúru nian foin akontese eventu boot hanesan ne’e, no ema vizitante husi Munisípiu sira inklui estranjeiru husi nasaun oioin.

“Loron baibain ne’e hetan mak 50 UDS de’it, maibé semana ida ne’e ema barak dala-ruma mós katupa ho ikan lalar mós la too tan,” haktuir negosiante ne’e.

Lee Mós:
Tomate Folin Sa’e iha Merkadu Taibesi

Nia hatete, husi hahán ne’ebé sira fan ne’e maioria ho folin ne’ebé baratu, hanesan katupa fuan ida 1 USD, ikan ida folin 1 USD, balun dolar rua to’o tolu, maibé depende kuantidade ikan.

Tanba ne’e, nia dehan sira fan tuir oráriu normal ró nian, semana ida dala-tolu, hanesan loron Tersa, Kuarta no Sábadu. No loron seluk ne’e fan mós ema sei la sosa.

Lee Mós:
Dezenvolve Setór Turizmu, MTKI Sei Kria Diálogu

Eugenia fan iha Portu Beloi oin ne’e kuaze tinan sanulu-resin ona, hodi sustenta família uma laran, nune’e nia kaben mós nu’udar ema peskadór ida.

 741 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Festivál Ataúru, Negosiante Eugenia Hetan Lukru…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: