Dili (timor post.com)—Governu Konstitusionál da-IX lidera husi Primeiru Ministru (PM), Kay Rala Xanana Gusmão, ohin Kinta (03/08/2023) aprezenta Orsamentu Retifikativu (OR) ba Prezidente Repúblika (PR), José Ramos Horta.
“Ohin mai informa ba Prezidente katak durante loron lima ulun fatuk moras uitoan, maibé ami ajusta buat sira ne’e hotu para semana oin bele lori ona ba Parlamentu Nasionál”, Informa PM, Kay Rala Xanana Gusmão iha Palasiu Prezidente Bairo-Pite, Kinta (03/08/2023).
Durante loron lima, Nonu Governu halo ajustamentu Orsamentu Retifikativu (OR) liu-liu saláriu vensimentu no bens servisu inklui kapitál dezenvolvimentu kada ministériu ninia programa.
PM Xanana hatete, antes aprezenta ba PN presiza halo ajustamentu kada programa.
Kona ba montante OR nian, PM Xanana dehan, seidauk hatene loloos. Tanba aprezenta ba PR José Ramos Horta mós la fó montante orsamentu nian.
“Númeru balun ne’e seidauk loos, ne’e duni ha’u labele fó lai selae imi públika, sei ko’a 3 millaun imi tau fali 1 millaun”, katak nia.
Tan ne’e, Nonu Governu sei prepara no semana oin lori ba PN foin hatene montante orsamentu ne’e hira.
Depois kada ministériu propoin ne’e sei públika iha loron tuir mai.
Xefe Estadu ne’e dehan, bainhira aprezenta ona OR ba PN foin deside planu Orsamentu Jerál Estadu (OJE) 2024 atu tau hira tuir kbiit nasaun nian.
3,765 total views, 3 views today
Bele hare Video Seluk :
Subscribe to Timorpost
