ADVERTISEMENT

Sirkuitu Eletrisidade Kauza Ahi han mutuk OB Manleuana

- Dili
  • Share

Dili (Timor Post) – sirkuitu Eletrisidade, hamosu ahi han mutuk sasan pretense negosiante merkadu Menluana iha loron Segunda (14/02) dadeer ne’e.

Tuir dadus ne’ebé mak Timor Post asesu iha Polísia Nasionál Timor Leste (PNTL)  rekolla hamutuk iha baraka 35 mak sira nia sasán mutuk no tuir informasaun tuku 11:00 otl komunidade vítima insendiu sei ba hamutuk iha PNTL Dom Aleixo hodi halo re-aprezenta dadus.

ADVERTISEMENT
SCROLL FILA BA NOTISIA


Akontese Insendiu ne’e hahú iha tuku 06:00 otl, uma ne’ebé Governu harii ba populasaun sira hamutuk 34 no uma adisional ida (1) hamutuk 35.

Lee Mós :
MSSI Lansa Sistema Jestaun Informasaun Hodi Proteje Labarik no Joven iha Perigu

Insendiu ne’ebé akontese  ne’e la’ós akontese ba merkadu Manleuana tomak maibé iha area estrada iha fatin ne’ebé parkiran husi mikrolete 03 nia fatin.

Tuir Sasin, Leonito da Costa Ximenes haktuir katak, foun foun ne’e ahi lakan kiik maibé anin tama halo insendiu ne’e aumenta boot.

“Ohin dader… ha’u dasa hela rai  estudante sira Canossa sira mai, dehan maun maun, “ahi han OB” ne’e mak ha’u halai tun ba haree, momentu ha’u ba haree ne’e ahi lakan sei ki’ik hela maibé derepente anin tama ne’e mak ahi lakan boot kedas ne’e” nia konta.

Tuir  Komandnte Operasionál de Intervensaun Territóriu Bombeirus Paulo Maia informa katak, to’o iha fatin akontesimentu ahi han lakan maka’as ona.

“Iha oras 7:30 ami simu kedas kontaktu no Ekipa bombeirus sai kedas nune’e ami mai rega, ami to’o iha ne’e ahi lakan boot tebetebes” nia haktuir.

Nia esplika katak, akontesimentu ne’e tanba sirkuitu Eletriku ne’ebé iha fatin kloot, nune’e entaun nia exploza dala ida nia manas e nia rebenta, e nia han husi rohan ba rohan.

“Kauza, iha duni fatin klaran ne’e iha eletriku ida mak iha ne’e, kerdizer ahi ne’e inisiu husi fatin ida ne’e kontador eletriku ida iha ne’e kauzada de Sikuitu eletriku, han ona sasán eletriku e kontamina su’ar iha fatin ida, durasaun de mtempu ke mais de meia ora, ne’e sai ona bomba ida, entaun nia exploza dala ida nia manas e nia rebenta, e nia han husi rohan ba rohan,” Nia hakotu.

Jornalista: Jaime Pires

 498 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Sirkuitu Eletrisidade Kauza Ahi han mutuk OB Ma…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No