ADVERTISEMENT

PNTL Detein Membru UPM Na’in Neen Baku Mate Julio Amaral

Timor Post - Cova Lima
  • Share
Portavós Komandu Jerál PNTL Superintendente Xefe, Armando Monteiro, Imajen Esp

(Reportajen  Jaime Pires/Editora Suzana Cardoso)

DILI (Timor Post) – Membru Unidade Polisia Marítima (UPM) na’in neen hetan detein ona hosi Polisia Nasionál Timor-Leste (PNTL), hafoin deteta baku mate  vítima Julio Amaral (22) iha Kapitál Kovalima, Suai.

ADVERTISEMENT
SCROLL FILA BA NOTISIA


Ba jornalista  Portavós  Komandu Jerál PNTL Superintendente  Xefe, Armando Monteiro iha Komandu Jerál, Kaikoli, Segunda (24/01/2022) esplika,  Komandu PNTL Munisípiu Kovalima detein ona membru UPM na’in neen ne’e iha sela detensaun.

“Membru UPM na’in neen ne’ebé deskonfia baku mate Julio Amaral ne’e, daudaun iha hela sela detensaun Komandu PNTL Munisípiu Kovalima durante oras 72, depois maka sei submete ba Ministériu  Públiku”,  tenik Armando.

Hanesan públika tiha ona katak, akontesimentu baku mate Julio Amaral ne’e akontese iha Munisípiu Kovalima, loron Domingu (23/01/2022), maizu menus tuku haat madrugada.

Lee Mós :
UPF Kaptura Sidadaun Indonézia Ida iha Mate Uman no Evakua Kedas ba Kuarentena

Tuir alin hosi Matebian Julio Amaral konta, sira hetan baku hafoin husu sigarru ba sidadaun ida ne’ebé sira hasoru iha dalan. Maibé sidadaun ne’e simu dehan, “Se hau lakohi fó imi hakarak saida. Hau ne’e Polisia Maritima,” hasara alin Matebian Julio Amaral, Marcos ba Jornalista iha Ospital referral Suai, Domingu, (23/01/2022) bainhira hala’o hela tratamentu.

Rona tiha dehan nia polisia, katak Marcos sira taka liman hodi husu deskulpa ba membru UPM ne’e. Maibé, derrepente de’it sira nia kolega mai tan. Nain 2 baku Marcos no na’in haat baku Matebian Julio.

“Sira baku ha’u ho ha’u nia Maun Julio. Sira baku ami to’o tama baleta koak moos sira baku nafatin. Bainhira ha’u hakfodak, ha’u nia Maun sira baku to’o mate ona. No ha’u nia primu ida seluk sira baku to’o kanek,” dehan Marcos ho lian triste.

Lee Mós :
UPM Asegura Joven Na’in-Tolu Hatama Sasán Ilegál

Maibé tuir Superintendente  Xefe, Armando deklara, kazu ne’e akontese tanba hotu-hotu partisipa iha serimónia inagurasaun ba uma lisan ida iha Suai, Kovalima to’o ikus mai rezulta Vítima Julio Amaral  ho idade 22 lakon vida. No na’in rua seluk kanek.

Nune’e, katak eis Komandante PNTL Munisípiu Baukau ne’e, Komandu PNTL Munisípiu Kovalima kontinua halo investigasaun hodi identifika autór loloos ba kazu ne’e. No nia finalidade sei haruka mai iha komandu jerál ne’ebé agora daudaun Komandu jerál sei monitor hela.

Iha parte seluk Deputadu hosi Bankada Partidu Liberta  Povu (PLP), Abel Pires hateten, tanba agresaun fízika husi Membru PNTL hosi UPM, vítima lakon vida no husik hela nia oan na’in tolu ho nia ferik oan agora sira sai faluk ne’ebé presiza tau atensaun.

Lee Mós :
UPF Kaptura Ema Na'in-3 Tama Ilegal husi Fronteira

“Komandu PNTL sira tenke tau atensaun ba membru sira para dixiplina. Tanba kada semana sempre rona violénsia.  Membru hirak ne’ebé la kontrola sira nia emosaun husu Komandu PNTL para muda tiha sira husi fatin sira nia fatin. Nune’e labele halo violasaun hasoru tan ita nia povu”, tenik Deputadu Suai oan ne’e. (Lee notísia seluk iha jornál Timor Post/Asesu You Tube Timor Post)

 1,328 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PNTL Detein Membru UPM Na’in Neen Baku Mate Jul…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No