SUAI (TimorPost.com)—Lider husi grupu partidu Frente Mudansa (FM), Egidio de Jesus, alias ‘La Manas La Malirin’, deklara, fó apoiu ba Partidu Os Verdes de Timor (PVT).
“Verdes ne’e ha’u apoiu 100%,” nia deklara hafoin remata diálogu PVT ho militante sira iha Suai Loro, Sábadu Loro kraik (22/04).
Nia hatete, razaun apoiu total PVT tanba partidu ne’e mai ho programa prioridade ne’ebé mak di’ak liu-liu ba joven sira nia futuru.
“Agora joven sira ita haree ona nia kompromisu polítiku durante 5 anos ne’e nia sei luta ba dezempregu 50 mil, nia vizaun klaru ba joven sira “, nia hatete.
Nia fiar, partidu Os Verdes sei realiza duni ninia programa hirak ne’ebé maka estabelese ona, tanba realidade agora PVT seidauk ukun maibé bele haruka ona joven barak ba servisu iha rai li’ur hanesan iha Portugal no Inglaterra.
“Ha’u fiar 100% ba PVT tanba hatudu ona iha pratika, tanba nee hanesan lider Frenti Mudansa fiar katak, sira hetan kadeira 5 iha parlamentu osan ida subvensaun nee ajuda ba dunu povu”, nia esperansa.
3,429 total views, 24 views today
Bele hare Video Seluk :