MANUFAHI, (Timorpost.com)—Polisia Nasional Timor-Leste (PNTL), Munisipiu Manufahi Seksaun Unidade Ema Vulneravel (VPU-Vulneravel Person Unit), durante Fulan Janeiru to’o Maiu rejistu kazu Violensia Domestika hamutuk 20.
Resposnvel Vulneravel Polísia Unit (VPU) Munisípiu Manufahi Primeiru sarjentu polísia Aquelina Salsinha relata, durante fulan lima nia laran VPU-Manufahi rejistu ona kazu hasoru feto no labarik feto hamutuk 20. Husi kazu VD-20 ne’e, kazu violasaun seksual mak as liu iha Manufahi.
“Kazu 17 ita rejistu iha fulan-Janieru too Fevereiru no kazu tolu ita rejistu iha fulan-Maiu nia laran ho total kazu hamutuk 20″dehan Primeiru Sarjentu Aquelina ba jornalista sira iha Same, Sabadu (15/06).
Nia haktuir, hosi kazu VD hamutuk 20 no entre kazu hirak ne’e violasaun sexual maka a’as liu.
“Violasaun sexual ita iha kazu 7, violensia domestika 6 inklui kazu abuzu ba minor no kazu abandona”nia aprezenta.
Nune’e husi númeru hirak ne’e iha ona detidus nain 7 no detidu ba prizaun preventiva iha ema nain tolu.
Ba tinan ida ne’e kazu violensia domestika ba minor ne’e a’as iha Postu Administrativu Alas no Postu Administrativu Same. Ba tinan ida ne’e Postu Administrativu Same iha detidu nain tolu.
Molok hakotu nia dehan, VPU iha ema nain neen (6) kompostu husi munisípiu nain rua (2) no kada Postu administrativu Fatuberlio ida (1), Alas ida (1), Turiskai ida (1) no postu Same nain ida (1).
798 total views, 6 views today
Bele hare Video Seluk :
Subscribe to Timorpost
