MANUFAHI (Timorpost.com)-La’en uza kro’at (tudik) sona kanek ninia feen kaben ko’ak neen iha madrugada, maski kanek todan feen halai salva an, no la’en fila ba uma laran la hetan ninia feen, ikus mai deside tara an.
Iha Sábadu tuku rua madrugada akontese tan kazu La’en kaben lori sasán kro’at sona kanek feen kaben iha aldeia Lulimau, suku Lesuata, Postu Administrativu Turiskai, munisípiu Manufahi.
Xefe suku Lesuata, Joaquim da Costa informa, ninia Komunidade família uma kain ida mosu problema entre feen La’en ho fen kaben iha kalan boot La’en kaben lori tudik sona feen kaben ho kanek neen (6) nune’e feen kaben haksoit sai husi janela no la’en kaben deside habadak destinu ho tali taran aan.
Nia dehan, akontesementu ne’e entre matebian Aleixo Corte Real ho idade 39 no fe’en kaben Adelaide Soares ho idade tinan 60, maibé durante laiha problema.
Xefe suku haktuir kronolojia husi akontesimentu, hahú iha Kuarta loron 22 loron kuarta feira sinzas matebian tara a’an ona maibé Komunidade hetan informa Autoridade polísia lori nia ba konsulta no fó hanoin atu labele hanoin buat ne’ebé la di’ak ba a’an hodi hakotu vida nune’e haruka fila fali ba ninia uma.
“Maibé iha Sábadu kalan 02.30 Otl matebian lori tudik ida la dun kro’at no ulun laiha hodi sona nia feen kanek ho kuak 6, sona kuak iha kotuk laran, hirus matan no sona kanek iha feen kaben nia liman” esplika, xefe suku Joaquim ba Timor Post Domingo (26/02) via telefoni.
Hafoin matebian sona kanek feen-kaben nune’e ahi nakukun nia sai tiha ba li’ur ho ida ne’e feen kaben lori kanek haksoit sai husi janela nune’e ba asegura a’an iha família viziñu nia uma to’o dadeer.
“Bainhira feen kaben halai sai matebian buka la hetan nune’e hakilar no tanis hodi tama ba uma laran kesi metin odamatan hodi tara a’an ho tali to’o dadeer tuku 7 ami ba hare matebian mate tara a’an” nia haklean.
Nune’e nia relata, hetan tiha mate isin kontaktu kedas ba polisía eskuadra Turiskai to’o iha fatin akontesementu nune’e hodi familia hodi foti decisaun ba mate isin.
“Autoridade seguransa ho autoridade lokal hein familia to’o tuku 1 lokraik família to’o polisía husu matebian nia alin deklara katak aktu ne’ebé matebian ne’e ba dala tolu ona”nia dehan.
Família deklara katak, matebian nia mate lalika tau deskonfia no nia rasik mak oho aan tanba hahalok ne’e nia sempre halo beibeik neduni nia mate isin lalikan lori ba autópsia maibé lori ba hakoi tuir kultura lisan iha suku Kaimauk.
Tuir informasaun ne’ebé Timor post rekolla husi terenu katak, mate isin PNTL eskuadra no serbisu saúde postu Turiscai hala’o identifikasaun no vítima evakua kedas ba Sentru Saúde hodi hala’o tratamentu.
Portantu hetan nia isin hetan kanek kmaan tanba la’en kaben ne’ebé matebian ona ne’e sona ho tudik ne’ebé la dun kro’at.(lcl).
1,543 total views, 6 views today
