Dili, (timorpost.com)– Eleitór iha suku Bebonuk hamutuk 6.943 hahú forma iha sentru votasaun sira iha suku Bebonuk nian hodi vota ba kandidatu xefe suku.
Komunidade husi Aldeia Metin 1, hahú hakbesik-an ba Sentru Votasaun iha eskola Ensiñu Báziku Filiál,1⁰ no 2⁰, Bebonuk hodi ezerse sira-nia direitu.
Ho nune’e, iha tuku 7:23 dader ne’e, loron 27 fulan-Abril tinan 2024, kandidatura husi xefe suku Bebonuk sira hahú ho aprezenta-an ba meza eleisaun hodi kandidata-an ba periodu 2024-2031.
Nune’e, tuir observasaun jornalista Timor Post, iha tereñu nota katak hahú tuku 8.00 dader, komunidade hahú hakbesik-an ona ba Sentru Votasaun sira ne’ebé estabelese iha área suku Bebonuk nian, tamba tuir horáriu eleisaun suku ne’e hahú iha tuku 9.00 dader.
Entretantu Totál Eleitór iha suku Bebonuk, postu administrativu Dom Aleixo, munisípiu Dili, hamutuk na’in-6.943, kompostu husi mane na’in-3,569 no feto na’in- 3,374.
Suku Bebonuk iha aldeia 5 mak hanesan, aldeia 20 de Setembru, Metin 1, Metin 2, Metin 3, Metin 4, ho sentru votasaun iha kada aldeia.
Votasaun ba xefe aldeia ne’e, realiza husi Sekretariadu Tékniku Administrasaun Eleitorál (STAE), observa husi Komisaun Nasionál Eleisaun (CNE), inklui observadór seluk, no eleisaun ne’e fó seguransa másimu husi Polísia Nasionál Timor-Leste (PNTL).*
987 total views, 3 views today
Bele hare Video Seluk :