DILI (timorpost.com)—Lideransa Másimu Partidu Kmanek Haburas Unidade Nasionál Timor Oan (KHUNTO), Jose do Santos, ‘Naimori’ hatán iha PSIK ba ma administrasaun iha partidu KHUNTO.
Lideransa Másimu Partidu Kmanek Haburas Unidade Nasionál Timor Oan (KHUNTO), Jose do Santos ” Naimori” hato’o asuntu nee ba jornalista sira hafoin remata presta deklarasaun iha edifísiu PSIK Kaikoli, Sesta (05/04).
“Ha’u mai iha edifísiu PSIK, atu kooperasaun ho justisa ba kazu má administrasaun partidu nian, maibé ha’u la bele fó komentáriu, depois mak ita hasoru malu iha Tribunal de’it,” dehan nian.
Lider supremu partidu KHUNTO nia hatete, ba kazu nia Konteúdu parte la hatene, maibé nia defeza hatene.
Iha fatin hanesan defeza husi lider supremu partidu KHUNTO nain-2, Jose do Santos, ‘Naimori’ ho Berta do Santo, Arnaldo da Costa Lopes, hateten, nia parte seidauk bele hateten buat ruma, tanba ida ne’e plereminaria.
“Ha’u hanoin katak hanesan sidadaun, ita mai kolabora ho justisa, lori lider supremu partidu KHUNTO nain-2 mai presta deklarasaun, mais intermu de kazu saida ita seidauk hatene tanba na’in mak prokuradór depois mak ita boot sira hatene,” dehan nian.
Defeza ne’e hatene, nia hanesan fó asisténsia ba supremu partidu KHUNTO nain-2, seidauk bele fó anúnsiu buat ruma, husik kazu ne’e lao lai, tanba kazu ne’e segredu justisa.
“Ami seidauk hatene, karik iha ona Ministériu Públiku denunsia ona nia akuzasaun ba kazu ruma, ita boot sira hatene, tanba ida nee ami la bele fó tanba segredu justisa,” nia hakotu.
1,251 total views, 3 views today
Bele hare Video Seluk :