DILI (timorpost.com)—Peskizadór Asia Justice and Rights (AJAR), Inocêncio de Jesus Xavier hatete, relasiona ho statement Parlamentu Nasionál nian atu halo auditóriu ba Tribunal no Ministériu Públiku importante la bele ho tendénsia polítiku.
“Ha’u hanoin importante auditoria ne’e la bele ho tendénsia polítiku, Se auditoria haforsa instituisaun bele de’it, mais auditoria ne’e ho intensaun polítiku sei la ajuda órgaun sira. Polítika auditoria ne’e, sei paralizia ka dezmotiva ita nia órgaun judisiária sira ne’e nia funsionamentu, liu-liu prestasaun prosesu judisiáriu, ita hanoin la sala governu hakarak hola inisiativa halo auditoria. Maibé atu halo auditoria ne’e, tenke hare se mak iha kompozisaun auditoria ne’e, tenke iha komisaun Independente ida ne’ebé hetan nia integridade ho nia koñesimentu di’ak, atu bele kontribui, “dehan Inocêncio ba jornalista sira iha edifísiu, Kaikoli, Sesta (15/03).
Peskizadór ne’e haktuir, auditoria ne’e nu’udar segmentu ida atu kontribui ba melloramentu funsionamentu órgaun soberanu sira, liuliu iha órgaun judisiáriu, Ministériu Públiku no tribunal sira.
“Maibé, fila-fali hanesan ha’u hatete, bainhira inkilina tendénsia polítika mak nafatin sei la lori benefísiu ne’ebé di’ak tanba auditoria ne’e la’ós de’it ba kriminalidade, mais atu halo Diagnostika administrativamente sira nia lakuna iha ne’ebé. Karik sira nia rekursu ruma la too, governu iha kompeténsia atu tau orsamentu atu fó formasaun ba sira, hadi’a sentru formasaun judisiáriu, infraestrutura báziku ne’ebé ba órgaun tribunal sira no inklui gastu sira seluk ne’ebé karik la tuir prosedimentu”. Hakotu.
795 total views, 3 views today
Bele hare Video Seluk :
Subscribe to Timorpost
