DILI, (timorpost.com)—Primeiru-Ministru (PM), Kay Rala Xanana Gusmão, husu deskulpa ba públiku liuliu deputadu sira no Povu Timor-Leste ba atitude iha Parlameentu Nasionál (PN), ho linguajen balun hasoru Deputada, Maria Angelica Rangel, husi bankada Fretilin.
“Ha’u hakarak husu deskulpa ba deputadu hotu-hotu no ba povu tomak, kona ba atitude, Impuratísima, husi beikteen atan-oan ha’u ne’ebé halo fatin lulik ida ne’e sai fali hanesan ha’u-nia uma laran,” Hateten Primeiru-Ministru, Kay Rala Xanana Gusmão, iha Plenária Parlamentu Nasionál, Tersa (12/12).
Xanana mós klarifika kona-ba rejimentu artigu-63 Parlamentu Nasionál, oradór labele interompe deputadu ida ne’ebé ko’alia hela. Maibé bele bainhira nia desvia tiha husi asuntu ne’ebé iha hela diskusaun.
Maske nune’e Primeiru-Ministru mós deskulpa ba Deputada Bankada Fretilín, Maria Angelica Rangel, ho liafuan ne’ebé la merese atu ko’alia iha públika.
“No Ha’u jura nunka akontese tan iha Parlamentu bainhira ha’u mai karik,” fundamenta nia.(*)
1,987 total views, 3 views today
Bele hare Video Seluk :