MALIANA (timorpost.com) — Ministru Juventude no Desportu, Arte no Kultura (MJDAK), Nélio Isac, agradese ba prezensa membru Governu, autoridade munisípiu sira iha fronteira ne’ebé partisipa iha serimónia abertura ba Festivál Frontéira 2023 kona-ba Interkámbiu Kulturál ba Hametin Rekonsiliasaun iha Maliana, munisípiu Bobonaro.
Prezensa membru Governu, autoridade munisípiu no komunidade nian hodi simu bainaka espesiál liu-liu joven sira husi Timor Osidentál ne’e hatudu katak Timor-Leste gosta hametin fraternidade duke kontinua lori vigansa iha sosiedade.
“Prezensa ita-boot sira-nian hotu hatudu katak Timor-Leste gosta liu harii ou hametin fraternidade duke kontinua nafatin lori vigansa iha ita-nia sosiedade”, Ministru MJDAK, Nélio Isac, hatete liuhosi nia intervensaun antes han hamutuk ho konvidade nasionál no husi Timor Osidentál iha administrasaun munisípiu iha Maliana, munisípiu Bobonaro, (15/11/2023).
Governante ne hatutan “Ita duni mak sai pilar ba hametin ita-nia relasaun tanba ita-nia maluk sira iha Timor Osidentál ho ita iha Timor-Leste ita iha illa ida de’it, so iha de’it mak fronteira (terestre), see iha illa ida de’it ita atu dehan katak ita iha relasaun família forte liu duke ita hakarak halo separasaun entre ida ba ida”.
Festivál Fronteira 2023 iha Maliana partisipa husi komunidade munisípiu sira besik liña fronteira hanesan Bobonaro, Kovalima, inklui Oekusi rasik.
Festivál ne’e mós parte ida atu hametin relasaun iha fronteira entre rai rua iha ámbiru família nian.(*)
858 total views, 3 views today
Bele hare Video Seluk :
Subscribe to Timorpost
