DILI—Parseiru dezenvolvimentu liuliu United National Development Program (UNDP) iha Timor-Leste apoiu PERMATIL, hodi hala’o programa kuda ai-oan, atu hadi’a bee matan antigu ne’ebé maran ona.
“Ita apoiu atu servisu hamutuk hodi kria fali bee matan, bee debu ne’ebé maka iha, ita presiza kuda ai sira ne’ebé mak tradisionálmente uluk ita nia bei-ala sira iha, ai-oan ne’ebé mak bele dada bee kuda fali,” reprezentante UNDP, Domingos Lequisiga Maria, informa ba jornalista sira iha Manleuana, Kinta (23/03).
Ema hothotu ho PERMATIL halo nia servisu ne’ebé mak di’ak, servisu hamutuk ho komunidade sira, servisu hamutuk ho joven sira iha foho no programa konservasaun bee matan, Governu mós rekoñese.
“Ha’u hanoin sira nia servisu la’o di’ak, ita boot sira mós haree la sala Governu mós rekoñese ida ne’e”, nia hateten.
Programa konservasaun bee matan antigu sira iha area rural la’o susesu, tanba ne’e sujere programa konservasaun bee matan antigu labele para de’it iha PERMATIL, maibé iha organizasaun sira seluk ne’ebé iha koñesimentu kontinua, atu bele implementa iha fatin sira seluk.
“Ita nia esperansa mak ne’e, programa konservasaun bee matan labele para iha PERMATIL de’it, sira ne’ebé iha koñesimentu bele alarga tan ba iha fatin seluk”, nia rekomenda.
Espera katak, Governu no parseiru sira seluk, bele kontinua apoiu programa konservasaun bee matan antigu sira iha territóriu laran tomak, atu nune’e bele fó bee ba komunidade sira.
3,294 total views, 3 views today
Bele hare Video Seluk :
Subscribe to Timorpost
