DILI (Timor Post.com)—Fundasaun Many Hans One Nation (MAHON-sigla English), husu ba governu prioritize sentru formasaun sira iha Teritorio tanba atu eleva kualidade konesimentu no abilidade foin sa’e sira presiza reforsa sentru formasaun sira.
Koordenadór Peskiza-Advokasia MAHON, Crispin Gomes de Jesus, dehan sentru formasaun ne’e presiza barak atu bele hasae koñesimentu no abilidade sosiedade no foin sa’e sira-nian.
“Ita husu ba governu atu fó prioridade ba sentru formasaun iha teritotiu tomak, nune’e bele fó oportunidade di’ak ba sosiedade no foinsa’e aira hodi transforma koñesimentu ba sosiedade sira.” Nia dehan ba Jornalista sira iha Faról, Kuarta-Feira (20/09).
Koordenadór haktuir, kualidade husi formasaun sira, liuliu noun-formal sira, importante tebes ba sosiedade sira hodi motiva foin sa’e sira, bele mellora interese no objetivu ida ba realidade.
Entretantu diretór MAHON, Angelo Fernandes Ximenes afirma, husi peskiza ida ne’e importante, tanba ita haree ba kualidade sentru formasaun sira, oinsá bele kualifika interese foin sa’e sira nian.
“Ita husu ba governu atu fó prioridade nafatin ba sentru formasaun sira, liuliu edukasaun noun-formal, atu bele eduka no motiva nafatin kualidade foin sa’e sira ho futuru ne’ebé di’ak.” hakotu.
885 total views, 6 views today
Bele hare Video Seluk :
Subscribe to Timorpost
