DILI (timorpost.com)—Ministériu Edukasaun (ME), liu husi Sekretáriu Estadu Ensinu Sekundáriu Téknika Vokasionál fó resposta hodi hatán ba Konferénsia Imprensa ne’ebé realiza horisehik (19/09) husi profesór kontratadu sira iha Jardín 5 de Maiu.
Sekretáriu Estadu Ensinu Sekundáriu Téknika Vokasionál, Domingos Lopes Lemos, hatete Ministériu Edukasaun la hapara professores kontratadu sira, maibé sei halo esforsu hodi valoriza professores sira bazeia ba dekretu-lei nu° 31/2023, loron 31 Fulan Maiu.
Iha dekretu- Lei N.° 31/2023 , artigu 11 kona ba ingresu espesiál determina.
“Espesialmente, ingresu iha kategoria professional profesór sira ho grau C mak indivíduu sira ne’ebé prienxe kondisaun kumulativa sira hanesan tuir mai ne’e”. Nia hato’o asuntu ne’e ba jornalista sira iha Vila-Verde, Tersa (19/09).
Primeiru Servisu ona nu’udar kontratadus husi departamentu governamentál responsavel iha area ensinu, ho eskluzaun nivel superior, hodi hala’o funsaun hanorin iha estabelesimentu Edukasaun ou ensinu iha tinan 2023.
Segundu, iha ona grau akadémiku baxarelatu iha edukasaun, iha tinan 2022 husi universidade nasionál Timor Leste , iha ámbitu parseria ho INFORDEPE, ou iha abitasaun akadémiku minima para ingresu iha desénsia ne’ebé komprova ho diploma universitáriu rekonhesidu.
Terseiru iha avaliasaun ikus servisu nian, mínimu ho klasifikasaun BOM, ne’ebé rejista iha SIGAP iha 2022.
Parte tolu ne’e hanesan rekizitu fundamental hodi hatán ba protestu ne’ebé mak horisehik profesór kontratadu sira hala’o iha Jardín 5 de Maiu.
Ikus liu Sekretáriu Estadu Ensinu Sekundáriu no Tecvoc ne’e haktuir, agora daudauk parte Ministériu Edukasaun iha prosesu preparasaun ba kuadru pesoál rejime karreira dosente, tanba ne’e ba profesór hotu bele hola parte iha bolsa de kandidata hodi nune’e bele prienxe kuadru pesoál ba eskola hotu iha munisípiu tomak.
1,817 total views, 12 views today
Bele hare Video Seluk :
Subscribe to Timorpost
