ADVERTISEMENT

Portu Tibar Sei fó Benefísiu ba Ekonómia Timor-Leste

Mario da Costa - Ekonomia
Jornalista : Mariano Abi
Editor : Mário da Costa
  • Share
Governu halo ona Inaugurasaun ba Portu Tíbar, Kuarta (30/11), Imajen Esp.

DILI (timorpost.com) — CEO Kompaña Bolloré Port, Phillipe Labonne, hatete investimentu iha Portu Tibar, sei fó benefísiu ba ekonómia Timor-Leste iha futuru.

Nia hatete, ohin mai agradese no fó obrigadu ba Prezidente Repúblika (PR), José Ramos Horta, kona-ba fiar ne’ebé fó ba Kompaña Bolloré atu halo investimentu iha ne’e no Portu ida ne’e ho fiar katak sei importante tebes ba Timor-Leste.

ADVERTISEMENT
SCROLL FILA BA NOTISIA


“Ha’u fiar mós katak sei fasilita Ró seluk atu mai hodi hatuun presu selu Ró, seluk atu tama mai ne’e, tanba agora ne’e Ró ki’ik mak tama, maibé aban-bairua Ró boot mós bele tama. Tanba Portu Tibar ne’e fasilita kontentor rihun 7, ba Ró ne’ebé mai ne’e sei bele fó benefísiu ba ekonómia Timor-Leste iha futuru,” Phillipe dehan hafoin enkontru ho Xefe Estadu iha Palásiu Prezidensiál, Bairru-Pité, Kuarta (30/11).

Lee Mós :
FEG-DSE Realiza Semináriu Haforsa Setór Agríkola
CEO Kompaña Bolloré Port, Phillipe Labonne, Imajen Esp.

Alende ne’e mós Prezidente Repúblika nia mensajen ne’ebé fó ba Kompaña Bolloré hanesan, Xefe Estadu satisfas no kontente ba rezultadu ne’ebé investimentu kompaña halo iha Portu Tibar.

“Mensajen katak, atu halo atividade adisionál iha ne’e, hanesan hadi’a manutensaun ba Ró sira iha aban-bainrua. Husi ne’e mak ami hanoin hanesan, tanba dala-ruma atu aumenta tan fasilidade hodi bele fasilita manutensaun ba Ró hirak ne’ebé iha aban-bainrua nian,” Phillipe dehan.

Nia hatete, kona-ba prosedor, sistema serbisu iha Portu Tibar uza sistema ne’ebé elektróniku hotu, nune’e Portu ne’e operasaun transparan, tan ne’e agora koko atu labele uza Peperlest ne’ebé sistema ne’e modernu teb-tebes.

“Kona-ba presu ita labele haree ba komparasaun presu Portu Dili ho Tibar nian, tanba kondisaun la hanesan, maibé intensaun saida mak ita halo, maibé investimentu entre setór privadu ho Públiku halo investimentu hamutuk, kria fasilidade ne’ebé modernu tuir standar Internasionál no bele fasilita ka atrai Ró boot sira ne’ebé aban-bairua sei mai,” nia afirma.

Lee Mós :
Janeiru 2023, Aviaun Aero Dili Tama Timor-Leste

Nia aumenta, bainhira Ró barak sei mai entaun sei iha kompetisaun, kompetisaun karik iha duni, sei hatuun presu ba ne’ebé selu Ró ne’e, nune’e mak parseiru entre Governu ho setór privadu nia hanoin ba planu nia hanoin ba futuru.

“Presu ne’ebé sa’e iha portu tibar la’ós tanba atendimentu ne’ebé di’ak, maibé tanba portu Tibar iha hela investumentu nia laran no ko’alia kona-ba investimentu presiza recover fila fali ka foti fila fali osan ne’ebé halo investimentu,” nia relata.

Entaun tenke ser iha kustu ba ida ne’e no empreza hanoin ona atu buka iha kompetitor ne’ebé maka’as, para bele hatuun presu aluga Ró, nune’e bele hatuun kustu ba buat seluk ne’ebé sei lori impaktu pozitivu ba Timor tomak.

Lee Mós :
Portugál-Timor Leste Servisu Hamutuk Kria Kondisaun ba Timoroan Sira

“Tuir loloos ami labele hetan krítika, maibé presiza apoiu malu tanba bainhira de’it iha buat foun ruma, sempre iha krítika maibé nia implikasaun pozitivu labele haree agora, maibé sei bele hetan iha futuru,” nia esklarese.

Alende ne’e mós empreza ne’e husu atu públiku no liuliu ba empreza importadór no exportadór inklui estevidór sira atu fó espasu to’o tinan ida, hodi haree nia progresu, tanba fiar katak, sei fó benefisiu ba Timor laran tomak.

 3,062 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Portu Tibar Sei fó Benefísiu ba Ekonómia Timor-…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No