ADVERTISEMENT

Xefe Estadu Promulga Ona Subsídiu Osan 200 USD ba Uma-Kain

Mario da Costa - Ekonomia
Reportajen : Mariano Abi
Editor : Mario da Costa
  • Share
Osan Dolar Amerikanu, Imajen Esp.

LIKISA (timorpost.com) — Prezidente Repúblika (PR), José Ramos Horta, promulga ona Dekretu Lei númeru 37/2022 loron 25 Maiu kona-ba subsídiu fim du ano dólar amerikanu 200, ba uma-kain iha Timor-Leste.

“Dekretu lei subsídiu anuál ba uma-kain ha’u promulga tiha ona no ha’u kontente Governu rona, Sosiedade Sivíl rona, hotu-hotu rona atu fó de’it ba família ne’ebé iha duni difikuldade menus husi dolar amerikanu 500,” Xefe Estadu dehan hafoin vizita Institutu Bambu iha Tibar, Kuarta (16/11).

Nia dehan, nia parte konkorda família ne’ebé ki’ak, hetan osan menus hosi dolar amerikanu 500, tenke buka ajuda.

Prezidente Horta dehan tan, tanba folin produtu, importasaun sa’e hotu, ne’ebé sira manán menus hosi dolar amerikanu 500, bele simu apoiu ruma Xefe Estadu konkorda.

Lee Mós:
Tempu Badak Reativa Inspesaun ba Ligasaun Ahi Ilegál

Molok ne’e, Prezidente Repúblika José Ramos Horta, hatete Dekretu lei númeru 37/2022 kona-ba subsídiu Uma-Kain Fim do Ano ou 200 USD, iha ona nia meza leten.

Antes ne’e mós Governu liuhusi reuniaun Konsellu Ministru iha loron Kuarta (28/09). aprova ona projetu Dekretu-Lei, númeru  37/2022, loron 25 fulan-Maiu, kona-ba fó subsídiu 200 USD, ba uma-kain sira iha fulan-Dezembru ka fim do ano, ne’ebé aprezenta husi Vise-Primeira Ministra no Ministra Solidariedade Sosiál no Inkluzaun, Armanda Berta dos Santos.

 2,163 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Xefe Estadu Promulga Ona Subsídiu Osan 200 USD …” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: