DILI (timorpost.com) – Atu garante debate Orsamentu Jerál Estadu (OJE) 2023 bele la’o di’ak, Polisia Nasionál Timor-Leste (PNTL) nia Unidade Tránzitu Rodaviaria halo seguransa iha area Parlamentu Nasionál (PN).
Ohin Tersa-Feira (08/11), Governu halo aprezentasaun Orsamentu Jeral Estadu ho totál biliaun 3 USD resin ba loron daruak nian iha parlamemtu Nasional.
Tuir Observasaun Media Timor Post, iha oras tuku 09:00, Membru PNTL nia unidade tránzitu rodaviera, hahú halo seguransa iha area Parlamentu Nasionál nian.
Alende PNTL balun hala’o seguransa iha area Parlamentu Nasionál nian, balun uza transporte mak halo patrullamentu hodi garante pás no estabilidade.
Enkuantu PNTL la’ós halo seguransa de’it ba iha debate osamentu jeral (OJE), maibé sira mós halo seguransa ba Manifestasaun husi Estudante universitáriu ne’ebé hamahan an iha Aliansa Maubere Nasionál (AMN).
Portantu entudante sira halo manifestasaun ne’e ligadu ho debate OJE ne’e rasik, tanba prevee verba balun hodi sosa karreta ba deputadu sira.
1,220 total views, 6 views today
