DILI, (timorpost.com)— Magnífiku Reitór Universidade Nasionál Timor Lorosa’e (UNTL), João Soares Martíns, rekonese, daudauk ne’e UNTL sei menus profesór, tanba ne’e UNTL sei tau atensaun ba problema ida-ne’e.
“Sim, liga ba rekursu umanu ne’e, nein sufisiente, ha’u hanoin ita tenke presiza tau atensaun maka’as, liuliu ba profesór sira, tanba barak mós atu tama ba terseira idade entaun ita tenke prepara investe atu haruka tan dosente ne’ebé ho idade joven, liuliu mellór graduadu sira atu bele kontinua”, Reitór UNTL, João Soares Martíns, informa hafoin enkotru ho Prezidente Repúblika iha Palásiu Prezidensiál, Bairru-Pité, Segunda, (25/03).
Nia hatutan, UNTL haruka nia dosente sira kontinua estudu atu nune’e bainhira profesór sira tama ona terseira idade, bele iha ona profesór hodi kontinua hanorin iha UNTL.
“Hanesan ami aban bainrua tama ba terseira idade ka pensaun karik, entaun ita iha ona kamada ne’ebé ita prepara atu bele kontinua lidera no mós kontinua serví Universidade Nasionál Timor Lorosa’e”, nia hakotu.(*)
2,754 total views, 3 views today
Bele hare Video Seluk :
Subscribe to Timorpost
