MEJD Lamenta Estudante Sira Ataka Malu iha Bekora

Mario da Costa - Edukasaun
Reportajen : Cardenio Alves
Editor : Mario da Costa
  • Share
Diretór Jerál Administrasaun no Finansas, hosi Ministériu Edukasaun, Juventude no Desportu (MEJD), Antoninho Pires

DILI (Timor Post) – Diretór Jerál Administrasaun no Finansas, hosi Ministériu Edukasaun, Juventude no Desportu (MEJD), Antonino Pires, hatete estudante sira hosi Eskola Sekundáriu Jerál 5 de Maiu ho Estudante hosi Eskola Sekundáriu Jerál 12 Novembru, ne’ebé ataka malu iha loron Kinta (04/08), ne’e sei prosesu tuir lei.

Nia hatete, hahalok ne’ebé estudante hosi eskola rua ne’e halo liuhosi regra pedagójika, labele akontese iha ensinu aprendizajen, ka iha edukasaun nia laran, tanba ne’e hahalok indixiplinadu.

ADVERTISEMENT
SCROLL FILA BA NOTISIA

“Sansaun ne’ebé ita fó ba sira mak prosesa hosi lei, no hahalok sira ne’e lei mak sei regulariza sira, tanba hahalok ladi’ak, fatin eskola, fatin buka atu sai matenek no koñesimentu ne’ebé di’ak hodi harii fali nasaun foun ida,” nia hateten ba iha knaar fatin Vila-verde, Sesta (05/08).

Lee Mós:
Profesór Sira Vasina Hotu, Eskola Reativa

Nia dehan, nu’udar estudante iha ona matenek, maibé tanba saida kria fali problema privadu sai ba sosiál no publika, tanba fatin eskola ne’e mai atu aprende no hatene saida mak seidauk komprende, la’ós mai atu konfrontalizasaun ka deputasaun, ne’e hahalok krime.

“Ita eskola atu halo melloramentu ba mudansa moris nian iha futuru, la’ós mai eskola buka malu atu baku malu, organiza malu atu oho malu, ida ne’e la’ós fatin hosi edukasaun para hanorin estudante sira atu halo hanesan ne’e,” nia subliña.

Tanba ne’e nia husu ba profesór no profesora sira, liuliu Diretór ne’ebé xefia iha eskola relevante sira, tenke tau regra rigor, ne’ebé atu eduka estudante sai matenek la’ós eduka sira sai ema aat.

Lee Mós:
FIFA Ho Governu Aranka Realiza Povu Timor-Leste Ninia Mehi

Nia dehan, estudante sira iha direitu atu aprende no ministériu iha devér atu fó regra no edukasaun saida mak bele orienta estudante sira sai di’ak liu iha ida-idak nia vida moris, hodi sustenta no kontribui sira-nia matenek ba família no mós nasaun.

Estudante sira sempre ko’alia, dehan laiha fasilidade ida atu fasilita sira, nune’e edukasaun laiha kualidade, maibé edukasaun ne’e mai hodi ema ida-idak nia aan, katak bainhira mak bele rekoñese aan, signifika iha edukasaun ne’ebé kualidade.

“Eskola atu aprende saida mak ita seidauk komprende la’ós mai arrepende hodi sai rende ba prosesu edukasaun nian, tanba hodi edukasaun ita bele rekoñese saida mak moris, tanba ne’e estudante hot-hotu iha Timor laran tomak, tenke entende ida ne’e,” nia apela.

Lee Mós:
Kansela Batako Laiha Kualidade Ba Konstrusaun UKL

Konfrontasaun hosi eskola privadu no públiku sempre akontese, dala-ruma dehan regulamentu mak ladún di’ak, maibé realidade regra nafatin utiliza no estabelese ba ida-idak iha nia eskola sira atu aplika.

“Hosi dixiplina edukasaun nian iha eskola mak estudante hot-hotu presiza kumpre nafatin oráriu eskola nian no mós tuir regulamentu eskola nian ne’ebé estabelese, la’ós atu kria fali atividade seluk hanesan kria problema ba malu,” nia hakotu.

 133 total views,  30 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “MEJD Lamenta Estudante Sira Ataka Malu iha Bekora” A few seconds ago
  • Share

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: