DILI, (timorpost.com)— Universidade Nasionál Timor Lorosa’e (UNTL) kontinua esforsu dezenvolve Institutu Nasionál Linguístika (INL) ne’ebé daudauk ne’e sei menus rekursu umanu.
Mezmu esforsu sira UNTL halo maibé depende ba orsamentu ne’ebé aloka ba iha UNTL. Tinan ne’e tinan ne’e UNTL nia prosta ba Orsamentu Jerál Estadu (OJE) propoin millaun $24 maibé iha dalan klaran korta maka’as no hetan de’it millaun $17 iha OJE tinan fiskál 2024 nian.
“Orsamentu ne’e variedade, tinan ne’e ami rekoñese katak Orsamentu Jerál Estadu UNTL ne’e hetan korta maka’as, ami propoin millaun $24 mais mai de’it millaun $17, ami tenta bele funsiona ho montante ne’ebé iha. Tanba ne’e mak ami avansa ho prinsípiu ida katak ba 2024 ne’e ita tenke kesi kabun, ita tenke halo dieta tenke gastu sira ne’ebé la nesesáriu la presiza halo”, João Soares Martíns, informa ba jornalista sira iha Palásiu Prezidensiál, Bairru-Pité, Dili, Segunda, (25/03).
Magnífiku Reitór UNTL, João Soares Martíns, hatete, INL hanesan institutu ida iha UNTL laran, tanba iha mós estatutu espesiál ba estabelesimentu ho dekretu lei ne’ebé autoriza funsióna INL iha UNTL, tanba ne’e presiza duni apoiu ba iha rekursu umanu.
“Ami rekoñese katak presiza mós apoiu rekursu umanu iha INL, formasaun kontinua ba joven sira bele kontinua obra ne’ebé profesór Benjamin (Benjamim de Araújo e Côrte-Real) ho nia kolega sira halo tiha ona atu labele para”, nia hatete.
Nia hatutan, “See la’e, ita-nia esforsu atu dezenvolve língua Tetum padronizada sei bele hetan difikuldade”.
Presiza duni apoiu rekursu umanu iha INL hodi dezenvolve lian Tetun tuir padraun, see lae bele hetan defikuldade.(*)
4,569 total views, 24 views today
Bele hare Video Seluk :
Subscribe to Timorpost
