Dezafiu boot maka bainhira ita koko atu fila ba pasadu, sa tán Lori ita fila ba emperador sira ninia tempu. Mosu iha ita ninia ulun katak susar, maibe bainhira liman koko kaer hodi haree ho paixaun hala’o ho ho neneik bele hatudu kontrariu hosi ita ninia opiniaun.
Nee maka realidade ne’ebe jornalista Timor Post Augusto Sarmento sente no aprende direta iha Aula pintura Xines nian iha salaun multiuzu, Kampaun rezidensia ba diplomata sira (DRC), Distritu Chaoyang, Beijing, Kapitál Xina 08/08/2023.
Haree hosi partisipante Aula hosi grupu jornalista hosi Eurasia, Asia no Pasífiku, profesora ho naran Tao Hong Deklara katak jornalista barak maka hafoin remata tiha eskola sekundaria, nunka book ou halo pintura ruma.
Maibe profesora ninia aprezentasaun no maneira hanorin hosi etapa ba etapa, hosi pontu simples konsege Lori jornalista hosi nasaun oi oin ne’ebe iha tempu naruk lafiar an halo pintura ruma, momentu ne’e kedas bele produs pintura Rua iha oras rua nia laran durante formasaun ho sesaun introdusaun ba istória no teoria hodi hakat kedas ba pratika.
Realidade hatudu, jornalista Augusto Sarmento bele pinta pintura simples rua, la perfeitamente maibe pelumenus bele diverte an. Aleinde Nee jornalistqa sira hosi rai barak sente admiradu ho ida ida idak ninia pintura hanesan Aprezenta iha fotografia figura aifunan iha tempu ai-tahan monu autonu no pintura Animal panda.
1. Deskobre iha Fatuk
Simplezmente atu konese pintura iha istória Xina ninian, ba Dahuluk manorin na’in Tao Hong haktuir, Deskobrimentu pintura Xina ninian hetan ba Dahuluk iha tinan 4000 ba kotuk, (the rock painting).
Manorin ba pintru Nee afirma katak maski deskobre liu tinan barak, ninia orijinal idade sei mantein.
2. Deskobre iha Hena
Deskobrimentu daruak maka pintura ida iha Hena hodi halo’ot mate isin ida iha kaixaun laran, pintura ne rasik iha imajen feto bonita ida, iha dragaun semo ba leten no iha mos manu bee ka manu udan nian, (Phonix).
Pintura Nee iha iha kaixaun laran iha provínsia Hubei iha tinan 470 (AC) antes de Cristo.
“Sentidu hosi pintura Nee ho interpretasaun katak feto Nee hakarak sae ba lalehan,” haklean manorin pinta Tao Hang.
Kualidade pintura nee la sees ho pintura sira iha mundu modernu.
Konhese material Pnlintura
Iha kultura Xina ninian kona ba Hakerek kaligrafia no pinta la sees hosi material emjeral hanesan hodi kaer Hakerek, material koloridu, no surat-tahan.
Emjeral material Hakerek stick ki’ik halo hosi bamboo ka au, iha au nia tutun iha animal ninia fulun hanesan bibi fulun animal fuik ninia fulun inklui laho. No la’ós fulun hotu hotu bele, so bele uza de’it parte balun hosi animal ninia fulun nebe mamar.
Tinta bele mai hosi fatuk sira iha mota laran ne’ebe bee hoban ona iha tempu naruk, (stone ink) is ohin loron iha ona tinta modernu.
Korres Mean no Metan
Korres, iha kultura Xina ninian famozu liu ho tinta koor metan, iha mo’s koor mean. No maibe la naran naran uza koor mean.
Uluk liu iha emperador Ming ninia tempu uza koor metan hodi Hakerek no uza koor mean hodi halo revizaun ka korresaun ba testu.
Ohin loron sei nota uza tinta mean ba okaziaun espesial sira ou ba ema mate, sira ka ema atu mate ona maka husik hela sira ninia Hakerek ho tinta koor mean.
2,253 total views, 3 views today
Bele hare Video Seluk :