Dili (Timor Post) – Institutu Nasionál Kombate Hiv-Sida (INKSIDA), hanesan Institutu ida ne’ebé servisu ba kombate tranzmisaun moras Hiv-Sida, maibé falta fasilidade difikulta servisu ba ema hirak ne’ebé identifika droga.
“Ita ko’alia kona-ba droga no tráfiku umanu ohin loron ita menus fasilidade hodi hala’o deteksaun ba droga, ita iha rekursu umanu di’ak maibé fasilidade la sufisiente implika servisu ba ema hirak ne’ebé identifika droga”, Prezidente Institutu Nasionál Kombate Hiv-Sida, Atanásio de Jesus, hateten iha resintu Autoridade Protesaun Sivíl (APC), Vila-Verde, Kinta (25/08).
Nia dehan, sira presiza iha ekipamentu ne’ebé natoon hodi nune’e bele tulun sira identifika kazu droga. Tanba bele hamate ema nia vida no bele mós fó impaktu ba komunidade no ema hotu-hotu.
“Droga hanesan fatór ida ne’ebé kontribui ba tranzmisaun Hiv-Sida hodi hamate ema nia vida. Entaun ami sempre enkoraja juventude no komunidade hotu-hotu liuhusi sensibiliza informasaun atu hasees an husi ransu livre, tráfiku umanu atu nune’e hahalok sira ne’e labele kontribui ba tranzmisaun Hiv-Sida nian”, nia hateten.
Nia relembra agora Komisaun Nasionál kombate, Hiv-Sida seidauk iha dadus kompletu ba deteta moras Hiv-Sida, maibé sira identifika jerál de’it ema ne’ebé pozitivu moras Hiv-Sida iha territóriu nasionál hamutuk 1704 ne’ebé tuir dadus jerál ne’ebé INK Hiv-Sida rekolla.
“Portantu ita ko’alia kona-ba dropout ne’e akontese tanba sira ne’ebé konsumu Ai-moruk hanoin katak virus ne’ebé afeta ba sira-nia isin mate ona, maibé laiha. Entaun problema ida ne’ebé hotu-hotu hasoru agora sai implikasaun boot ba ita hodi kombate virus Hiv-Sida”, nia preokupa.
Tanba ne’e ikus liu nia dehan, falta fasilidade ne’e nia afeta to’o ba iha Munisípiu sira hotu, entaun ema sira ne’ebé pozitivu moras HIV-SIDA atu halo tratamentu arraska tebes.
1,437 total views, 3 views today
Bele hare Video Seluk :
Subscribe to Timorpost
