DILI (timorpost.com) – Stock raan daudauk ne’e iha Departamentu Banku de Sangue, Hospital Nasional Guido Valadares (HNGV) mamuk hela hodi nune’e bele ajuda pasiente sira ne’ebé presiza raan.
Xefe Departamentu Banku de Sangue, Claudio Quintão, hatete, agora daudauk stcok raan iha Banku de Sangue mamuk hela hodi bele ajuda pasiente sira ne’ebe prezisa raan.
“Husi tipu ran hanesan A+, B+, 0+ no AB+, kauze laiha hotu iha HNGV no menus hotu,” Claudio hateten ba jornalista sira hafoin konklui atividade halo doasaun raan iha Cruz Vermella Timor-Leste (CVTL) Formoza, Tersa (14/11).
Xefe Departamentu Banku de Sangue ne’e afirma liután katak, agora daudauk stcok raan la sufisiente hodi bele atende ba pasiente sira ne’ebé mak prezisa hela raan hodi salva sira nia vida.
Nia hatete, iha HNGV agora kuaze stock raan laiha, maibé pasiente sira komesa iha ona, no sira garante ba família de’it tanba tipu raan ne’e hatene katak menus liu no ki’ik liu iha rai ida ne’e.
“Mensajen ba ita nia komunidade no maluk TIMOROAN sira hotu, ne’ebé hakarak ajuda ita nia família sira ka ema sira ne’ebé prezisa ita nia raan liuliu iha HNGV, fahe netik raan turuk ida hodi salva ita nia maluk sira ne’ebé prezisa raan. Tanba ita la fó buat boot ba sira, maibé liuhosi raan ita fahe no halo karidade ne’ebé boot liu hodi salva sira nia moris,” nia hateten.
Entretantu, Diretora Servisu Apoiu Diagnostiku no Terapiotiku (SADT) iha HNGV, Mingota da Costa Herculano, hatete, agora daudaun HNGV infrenta hela problema ne’ebé mak relasiona ho stock raan nian, tanba relasaun ho nesesidade no mós uza ba pasiente la tuir ida ne’ebé mak HNGV iha ne’e.
“Sira nia nesesidade ba uza boot liu stock ne’ebé avaliavel, tanba ne’e difisil tebes ita atu hetan raan ne’ebé sufisiente hodi bele kobre nesesidade pasiente sira nian, tanba ne’e agora ita iha HNGV ho kuantidade menus husi 30 ba grupu tolu ne’e hotu hanesan AB+, A+, B+ ho O+, ida ne’e menus los,” nia hateten.
Nia dehan, tuir loloos sira iha porsentu ida (1%) raan ne’ebé avaliavel iha Timor-Leste liuliu nesesidade bá pasiente sira hotu, tanba HNGV la’ós responde de’it ba HNGV nia nesesidade, maibé responde mós ba iha fasilidade saúde sira bainhira sira pressiza raan no responde ba klinika privadu sira.
Tanba ne’e, husu ba sira ne’ebé seidauk fó raan, entaun ajuda netik ema sira ne’ebé prezisa raan liuliu ba inan sira ne’ebé atu partus no sira ne’ebé partus hotu ona iha problema raan fakar.
Nune’e mós ba sira ne’ebé hetan asidente no balun ne’ebe hetan moras kroniku ne’e presiza tebes tranzmisaun raan, ida ne’e presiza tebes tulun. Atu bele salva sira nia vida.
966 total views, 12 views today
Bele hare Video Seluk :
Subscribe to Timorpost
