DILI (timorpost.com) – Prezidente Partidu Libertasaun Popular (PLP), Taur Matan Ruak, husu militante no simpatizante sira servisu makaas hodi hasoru eleisaun Parlamentar 2023-2026.
Nia hatete, konferénsia daruak ne’e importante tebes, normalmente prepara aan ba eleisaun Parlamentar 2023-2026.
Nia parte, agradese ba militante no simpatizante sira nia esforsu, hahú husi baze to’o atinje rezultadu realiza konferénsia daruak, iha Munisípiu Dili.
“Agora, se ita hakarak disputa segundu lugar iha eleisaun Parlamentar, pergunta ida mak ne’e, ita boot sira bele garantia ka lae? Se bele presiza servisu mate aan”, nia diskursu iha konferénsia daruak, iha Sentru Konvensaun Dili (CCD), Sábadu (04/02).
Prezidente Partidu PLP ne’e, hatete lideransa iha PLP tenke koletivu la’ós ema ida nian.
“Ita haree iha ha’u-nia diskursu, iha Parlamentu Nasionál, Prezidente Repúblika ezatamente katak, ita hakarak lei de baze produtivu ho Polítiku sira, ne’e tanba saida? Hakarak instituisaun dezenvolve presiza servisu makaas”, katak nia.
Nia parte, hakarak proteza foin sa’e sira, tanba partisipante maioria foin sa’e kuaze pursentu 80.
Atual Primeiru Ministru ne’e, afirma, iha tinan 2017, PLP hetan votante iha Munisípiu 18 mill, nune’e presiza asegura rezultadu ne’ebé akontese tiha ona iha tinan lima kotuk.
Enkuantu Partidu Libertasaun Popular (PLP), eziste ho vizaun no misaun konkreta, katak:
Vizaun
PLP harii ho vizaun ida mak atu: “Hametin soberania no hokonu libertasaun povu hodi moris nudar sosiedade ida ne’ebé demokrátiku, justu no autosufisiente”.
Misaun
Partidu Libertasaun Popular nia Misaun mak atu hari no hametin:
Sosiedade ida ne’ebé iha justisa ekonomia;
Sosiedade ida ne’ebé iha justisa social;
Sosiedade ida ne’ebé iha justisa ekolójika;
Sosiedade ida ne’ebé iha justisa duni no lolos;
Sosiedade ida ne’ebé demokrátika no partisipativa;
Sosiedade ida ne’ebé servisu ho dignu ba auto-sufisiente;
Sosiedade ida ne’ebé iha solidaridade no respeita direitus umanos;
Sosiedade ida ne’ebé ema hotu iha direitu ba edukasaun báziku gratuita ho kualidade no ativu hodi kombate ignoránsia;
Sosiedade ida ne’ebé ema hotu iha direitu ba saúde gratuita ho kualidade;
Sosiedade ida ne’ebé iha inkluzaun no fó protesaun ba idozu nomos vulnerável sira;
Sosiedade ida ne’ebé iha kondisaun hela fatin ne’ebé seguru no dignu, asesu ba infrastrutura báziku, bee no saniamentu;
Sosiedade ida ne’ebé sai sujeitu ba konsolidasaun soberania no defeza ba direitu husi independénsia;
Estadu ida ne’ebé demokrátiku no proteze sidadaun nia direitu;
Estadu ida ne’ebé firme ba defeza soberania no interese nasional;
Estadu ida ne’ebé fasilita prosesu desenvolvimentu, promove/ garante produktividade;
Estadu ida ne’ebé hametin lei, regulamentu nomos assegura prosesu sira tuir regras no prosedimentu.
2,252 total views, 3 views today
Bele hare Video Seluk :
Subscribe to Timorpost
