DILI, (Timorpost.com)—Veteranu Rejiaun Kuatru, kompostu husi Munisipiu Aileu, Ermera no Manufahi, husu ba Estadu liu hosi Ministeriu Justisa (MJ), atu tetu didika antes haruka fila Fujitivu Arnolfo Teves Jr ba nia nasaun orijin.
Reprezentante Veteranu Rejiaun Kuatru, Ernesto Fernandes “Dudu”, hatete, veteranus sira realiza Konferensia Imprensa nu’udar solidariedade ba Fujitivu Arnolfo Teves Jr ho familia, tanba governu ho estadu Timor-Leste diside haruka fila nia nasaun orijen.
“Ami veteranu rejiaun kuatru hakarak husu ba governu atu tetu didiak antes haruka ita nia maluk sidadaun Filipina Fujitivu Arnolfo Teves Jr ba nia rai orijen, ita presiza hare didika lei sira, liu-liu lei nasaun Filipina nian hodi halo komparasaun ho Timor-Leste nian, hafoin ita bele haruka nia fila,” dehan eis Deputadu Ernesto Fernandes “Dudu” ba jornalista sira iha Timor Lodge, Sabado (25/05).
Nia dehan, kazu Fujitivu Arnolfo Teves Jr ne’e nia prosesu iha faze rua, fase prosesual no ida seluk tenke lao tuir lei.
“Ita hatene katak, sidadaun Filipina Fujitivu Arnolfo Teves Jr, daudaun ne’e, sei kumpre hela prizaun Preventiva iha prizaun Bekora, maibe ita governu deside ona atu haruka fila Fujitivu Arnolfo Teves Jr ba nia rai orijem,” dehan nian.
Maibe, tuir nia katak governu presiza tetu didiak, tanba tuir sira hatene katak banhira sidadaun n’ee fila nia tenke mate, tanba ida bazeia ba sira lei rasik.
“Ita presiza hatene katak, sidadaun ne’e husi nasaun seluk mak nia mai, ita nia rai, atu salva nia vida, tanba nia iha ne’eba, iha ameasa nia laran, tanba ne’e ita presiza hare didik lei molok haruka nia fila, tanba ita lei bandu atu ema ida mos sei la mate banhira komete krime boot ruma, nune’e mos ema husi estrajeiru seluk halai mai ita nia rai, atu la bele mate iha ita rai,” dehan akresenta.
Tanba ne’e, banhira governu seidauk tetu didiak, mak haruka sidadaun ne’e fila, maka mate iha nia rai Filipina, Timor-Leste tenke responsabiliza, tanba ida nee hatudu katak nasaun Timor-Leste mak oho.
“Banhira nia mate iha ne’e, ita sala no moe boot ba ita instuisaun estadu, tanba ita nia konstituisaun RDTL hanorin buat diak, ema la bele mate, kastigu bele, mate la bele, tanba hanesan tribunal presiza hare no tetun didiak lei ne’ebe iha, para la bele foti kontrariu, tenke deside buat ne’e lolos para nasaun seluk bele fiar ita, se la’e nasaun seluk la fiar ita,” nia subliña.
Nia fo exemplu, governu deside ba Timoroan no Timoroan ne’e, buat seluk ida, maibe ida ne’e rai seluk, tenke hare didiak, hodi kompara ho lei Timor nian, se hanesan ho lei Timor entaun bele haruka nia fila ba nia nasaun orijim.
“Ita mos presiza tetun ati lori ita nia nasaun nia naran, atu la bele monu, ita tenke defende nasaun ne’e, tenke iha dalan ida ne’ebe legal, no justu para Fujitivu Arnolfo Teves Jr atu hare ba ita nia diak,” nia afirma.
Veteranu ne’e hatete, la bele haruka fila deit, tanba deit mandadu INTERPOL, hanesan ordem ida entaun haruka tenke fila, iha ida haruka ba para mate, maibe presiza hare didiak haruka nia ba, la bele ba arbiru deit, se mak mate Timor-Leste nia naran foer, signifika Timor-Leste mak oho nian, tanba ne’e presiza hare didik lei ne’e, atu nune’e la bele fo todan ba nasaun ne’e.
720 total views, 3 views today
Bele hare Video Seluk :