DILI—Institutu Nasionál Kombate HIV-SIDA, Institutu Publika (INCSIDA,IP-Sigla Portugés), Sesta (09/06), halo kampana sensibilizasaun informasaun kona-ba HIV/SIDA ba estudante sira iha Eskola Téknika Informátika (ETI).
Tékniku Superior ba Programa iha INCSIDA,IP, Ivonia Antonio Barros, hatete, Iha atividade sensibilizasaun ne’e, INCSIDA,IP esplika ba estudante sira kona-bá saida maka virus HIV/SIDA no oinsa estudante sira prevene sira nia aan hosi moras ne’e.
“Ita hatene katak dadus ba ema ne’ebé afeta ba virus aas tebes, durante tinan 2014 to agora ema ne’eb’e infetadu ho moras HIV/SIDA hamutuk 1830, INCSIDA,IP nafatin hakarak fó hanoin ba joven sira, atu labele halo ransu, seksu, no droga livre”, nia dehan ba Jornalista Timor Post, iha resintu ETI, Fomentu, Sesta (09/06).
Nia dehan, kazu infesaun ba HIV-SIDA agora dadaun iha ne’e hamutuk 1.830, husi númeru ne’e maioria hetan ona sintomas HIV-SIDA, husi ne’e iha ema na’in 279 mak lakon vida no sira ne’ebé mak lakon tratamentu hamutuk 354.
INCSIDA,IP nia papél atu fó informasaun ba eskola sira iha territoriu tomak no instituisaun ne’e kuaze fó ona informasaun ba eskola sira iha Dili, maibé kada tinan INCSIDA,IP nafatin halo review no fó informasaun nafatin ba eskola hotu.
INCSIDA,IP hala’o nia knaar tuir dekretu lei ne’ebé hateten katak INCSIDA,IP hareE liu ba prevensaun primária. Tanba ne’e INCSIDA hala’o ninia sensibilizasaun la’ós de’it ba estudante sira maib’e ba mos komunidade sira hosi nivel Aldeia to’o munisípiu.
1,269 total views, 3 views today
Bele hare Video Seluk :
Subscribe to Timorpost
