Dili (timorpost.com)—Prokuradór Jerál da Repúblika (PJR), Alfonso Lopes, relata informasaun ba Prezidente Repúblika, Jose Ramos Horta, relasiona ho kazu sidadaun estranjeiru Filipina, Fujitivu Arnolfo Teves ne’ebé komete krime asasinatu iha Filipina hodi ultrapasa mai iha territóriu nasionál Timor-Leste nian daudauk ne’e iha hela sela detensaun.
“Ami halo audiénsia ho Prezidente Repúblika, hodi ko’alia kona bá notísia ne’ebé sai ba públiku, liu-liu kona-ba ita-nia Polísia Sientífika Investigasaun Kriminál (PSIK) ne’ebé kumpre mandadu detensaun husi Autoridade kompetente país Filipina nian, liu-liu Tribunal Filipina nia mandatu detensaun no alerta liu husi notísia vermella, entaun ida ne’e mak ita nia polisia hodi halo detensaun,” Nia haktuir ba jornalista sira hafoin remata enkontru ho Xefe Estadu Prezidente Republika, iha Palasiu prezidensil Bairru-Pite, Segunda (25/03/2024).
PJR esklarese, karta detensaun no dokumentu formal husi Autoridade Filipina nian ne’e, polísia sientífika TL nian no emite mai PJR nu’udár autoridade sentrál tuir Lei númeru 15/2011 bainhira iha detensaun internasionál, depois simu dokumentu sira ne’e tenke tranzmite ka haruka mai PJR nune’e bele halo promosaun ba Tribunal Supremu maibé tanba Timor-Leste seidauk iha, entaun haruka de’it ba iha Tribunal Rekursu tuir lei haruka.
“Prosesu ne’e ita sei tuir agora neste momentu ita nia detidu husi Filipina nia sei kumpre hela detensaun provizóriu no autoridade sentrál PJR sei halo formula pedidu ba Autoridade sira liu-liu tribunal Estadu Filipina kuandu resposta mai prosesu Administrativu PJR enkamina ba ita nia Governu, iha prosesu ida ne’e ho Ministériu Justisa, atu prosesa kazu refere” nia afirma.
Liga kazu ida ne’e, sidadaun Filipina daudaun ne’e kumpre hela detensaun provizóriu hodi hein prosesu administrativu husi autoridade Filipina nian mai iha PJR nune’e bele halo estradisaun.
Entretantu tuir informasaun ne’ebé Timor Post.com asesu katak, Fujitivu Arnolfo Teves Jr, tama Timor-Leste ho jet privadu iha Fulan Abríl 2023 no simu direita husi asesór prinsipál estadu RDTL balun.
2,100 total views, 3 views today
Bele hare Video Seluk :
Subscribe to Timorpost
