DILI (Timor Post)-Polisia Nasionál Timor-Leste (PNTL), halo kapturasaun ba suspeitu Nain-rua ho naran inisial J.S.M ho A.R, tanba deskonfia na’ok vitima ho naran inisial G.M.S nia telemóvel se iha area ponte Komoro Dili.
“Ita iha kazu ida ne’ebé akontese iha loron 20 fula Jullu tinan ne’e, mais ou menus akontese iha oras 08:00 kalan iha area Ponte CCPT Komoro, ema deskonesidu uza motor Mio laiha xapa Matríkula no sira hadau telefone husi senhora ida ho naran insial G.M.S no konsege vítima duni tuir to’o iha area Bebonok nian, sira soe hela telefone iha fatin ne’e, no vítima sira hakilar no komunidade sira hela iha area ne’ebá konsege kaer suspeitu ida no kontaktu kedas ba parte Polisia hodi entrega suspeitu ba iha PNTL,” dehan Segundu Komadante Munisípiu Dili, Superentidente assistente João Sancho Pires, iha nia knaar fatin Kaikoli, Sesta (22/07).
Hafoin parte PNTL kaptura suspeitu ne’e, sira-nia parte mós buka tuir tan suspeitu sira seluk no konsege kaptura tan suspeitu ida, maibé iha fali dia seguinte.
“Suspeitu ida ne’ebé ita kaer primeiru ne’e ho naran inisial J.S.M ho idade 20 no suspeitu ida ho naran inisil A.R ita kaer iha area Timor Lodge Komoro nian,” nia dehan.
Nia gatutan, daudaun suspeitu sira ho evidénsia sira iha hela sela komandu Munisípiu Dili, sei detein 72 oras hafoin mak haruka nia prosesu ba iha Ministériu Públiku.
“Telefone nia marka saida ne’e, ita la lembar, maibe telefone ho motor iha ona komandu Dili, depois mak ita relata ba iha Ministériu Públiku,” nia dehan.
Nia afirma, suspeitu sira ne’e mak uza motor laiha xapa matrikula, maibé sira uza helem kompletu hafoin mak Na’ok ema nian telefone no hadau ema nia sasán sira ne’e iha dalan sira.
“Nia hatutan, kona-ba kazu sira ne’e, akontese ba dala haat ona, maibe ita rejistu hela ema deskonesidu no kazu ida agora ita rejistu hela númeru knuk 0363, ne’e mak ita indetifika suspeitu nain- rua ne’e,” nia dehan.
Suspeitu sira ne’e, forma grupu mak la’o iha sidade Dili, ho nune’e mak aproveita PNTL kaptura hela Suspeitu nain-rua hodi nune’e buka tuir tan sira seluk ne’ebé iha hela, maibe suspeitu nain-2 ne’e, nia prosesu la’o ba oin nafatin.
Alende ne’e nia dehan, kazu sira hanesan ne’e sira buka feto sira, no feto sira mak dala-barak sai vítima barak liu, no sira mai keixa iha PNTL, maibé ema deskonesidu.
“Tanba ne’e, ita halo ona kaptura ba suspeitu Nain-rua, atu nune’e ita bele buka tuir tan suspeitu sira seluk,” nia hakotu.
775 total views, 3 views today
