ADVERTISEMENT

Kopa Mundiál 2022, Adeptus iha Direitu Espresa Sentimentu Kontente

Mario da Costa - Defesa no Seguransa
Jornalista : Beatriz Belo
Editor : Mario da Costa
  • Share
Domingos Sarmento Gama, Imajen TP/Beatriz Belo

DILI (timorpost.com) – Polísia Nasionál Timor-Leste (PNTL), liuhusi Komandante Tránzitu Munisípiu Dili, Inspetór Polisia Domingos Gama, rekoñese adeptus timoroan sira ba nasaun hirak partisipa jogu iha Kopa Mundiál 2022, iha direitu atu espresa sentimentu kontente.

Nia hatete, la bandu adeptus espresa nia sentimentu ba nasaun sira ne’ebé jogu iha Kopa Mundial iha Qatar tinan 2022, maibé labele Kontra Lei Kódigu Estrada ne’ebé oras ne’e implementa hela iha Timor-Leste.

ADVERTISEMENT
SCROLL FILA BA NOTISIA


“Adeptu sira iha direitu atu espresa nia sentimentu ou divertimentu ne’e laiha lei ida mak bandu, maibé la taka ita atu apelu ba ita-nia sidadaun sira hela iha Dili, liuliu Juventude ne’ebé sai hanesan fens ba Kopa Mundiál iha tinan 2022, katak labele koko Viola fali ita-nia lei ne’ebé oras ne’e implementa ona, liuliu kódigu Estrada,” nia hateten iha knaar fatin, Kaikoli, Kuarta (30/11).

Lee Mós :
PM Taur Kansela Rekrutamentu Membru PNTL Foun

Nia dehan, dala-barak liu adeptu sira ne’e kontra lei kódigu Estrada mak hanesan liuliu bainhira sira halo komboiu uza motor kanu resin, la uza kapasete no mós laiha dokumentu motor no balun laiha asesores.

“Bainhira nasaun ne’ebé sira-nia fens mak manan kadavés sira halo paway, bele hamosu engarrafamentu iha Dili no mós halo fali barullu iha Dili, tanba ita-nia adeptu sira uza fali transporte kanu resin, liuliu ba motorizada sira, kadavés sei kalan hela mós uza kanu resin sira halo barullu iha Bairru-Bairru sidadaun sira ne’ebé sei deskansa la hakmatek tanba ida ne’e ami hala’o lei kódigu estrada,” nia haktuir.

Lee Mós :
Xanana Labele Intervein Desizaun Tribunal

Nune’e mak, parte Polisia Nasionál Timor-Leste, apelu ba joven sira ne’ebé sai adeptu iha Kopa Mundial ne’e, uza tempu no oportunidade ho didi’ak atu labele hetan infrasaun ka hodi selu multa.

Alende ne’e nia dehan, bazeia ba adeptu sira ne’ebé  halo paway iha loron 28 fulan Novembru tinan 2022, PNTL konsege Prende motorizada 35 inklui dokumentu no asesores balun.

“Iha 28 Novembru Portugal ho Uruguai joga la’o, Motor ho kanu resin, balun la uza kapasete, tanba ne’e mak ita halo operasaun kalan 08:00 to’o 11:30 ita konsege Prende motorizada hamutuk 19, karreta ida ho dokumentu rua, mai fali (29/11) depois joga Kopa Mundial ita halo fali operasaun ida motorizada kanu resin hamutuk 9, la uza kapasete 6, no la lori dokumentu ida”, nia konta.

Lee Mós :
PNTL Halo Aprensaun ba Karreta Tolu, Tanba La Selu Impostu Ba Governu

Nia dehan, Check Point ne’ebé PNTL halo iha loron (28/11), la konsege Prende motorizada kanu resin tanba sira para subar, maibé iha loron (29/11) konsege prende bainhira jogu nasaun Portugal halakon Uruguai ho rezultadu 2-0 iha joga Kopa Mundial Qatar tinan 2022.

 1,890 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Kopa Mundiál 2022, Adeptus iha Direitu Espresa …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No