DILI (timorpost.com) – Polísia Nasionál Timor Leste (PNTL), servisu hamutuk ho FALINTIL Forsa Defeza Timor Leste (F-FDTL), susesu asegura santa misa ba Kardeál dahuluk Timor-Leste iha Tasi-tolu.
Observasaun Timor Post Online, ba Santa Missa ne’ebé prezide hosi Dom Virgílio Kardeál do Carmo da Silva, SDB ne’e, Polisia Nasionál Timor-Leste nia Unidade sira hotu liuliu Polisia Tránzitu, ho membru F-FDTL, iha oras tuku 02:00 hahú iha estrada públiku iha Dili laran.
Seguransa hahú hosi Kolmera to’o iha fatin selebrasaun misa Tasi-tolu, hodi manda karreta ho motorizada atu halo movimentu ho di’ak atu labele mosu engarrafamentu.
Polisia Tránzitu sira iha area Tasi-tolu manda karreta ho motor atu la bele para iha estrada ninin, maibé haruka ba hotu iha fatin estasionamentu iha tasi ibun.
Portantu observasaun iha Dili laran, Unidade Espesiál Polisia (UEP) no Batallaun Orden Públiku (BOP) ho Unidade Tránzitu apoiu hosi F-FDTL sira hahú husi Kolmera nian mai to’o iha tasi-tolu, sira hahú halo seguransa komesa oras 02:00 to’o misa remata la’o ho di’ak.
Antes ne’e, Portavós Komandu PNTL, Superintendente Xefe Armando Monterio, promete sira garante seguransa ba serimónia Dom Virgílio Kardeál do Carmo da Silva nian.
Nia dehan, iha loron 05 Fulan Setembru, Sira sei halo Seguransa iha oras 06:00, Hori simi Dom Virgílio, mai hosi Portugal ho vou euro atlantiku to’o mai iha Aeroportu Prezidente Nicolau Lobato.
Nune’e iha loron 06 fulan Setembru, kontinua tanba iha oras 04:00 halo misa agradesimentu ne’ebé partisipa hosi sarani uma kreda husi Dioseze tolu, Dili, Bobonaro no Baukau iha area Tasi-Tolu.
2,206 total views, 3 views today
Bele hare Video Seluk :
Subscribe to Timorpost
