Dili (timorpost.com)—Primeiru-Ministru (PM), Kay Rala Xanana Gusmão ne’ebé hala’o vizita ba Reinu Unidu hakarak aposta embaixada foun no konsuladu foun iha Irlandia do Norte.
Husi vizita ne’e Xefe Governu hetan akompaña direita hosi Embaixadór Timor-Leste iha Reinu Unidu, João Paulo no Embaixadór Roberto Soares.
Iha vizita ne’e mós, Xefe Governu, Xanana observa direta kondisaun futuru instalasaun edifísiu Embaixada Timor-Leste nian iha Reinu Unidu.
Futuru edifísiu Embaixada ho andar-lima ho totál sala haat, kuartu lima, haris fatin lima ho nia área luan 3,417 Sq-ft, lokaliza kedas iha área 11 Little College St, London besik malu ho edifísiu Parlament & Westminister Abbey nian.
PM Xanana agradese tebes bele haree direta kondisaun uma refere no entrega mós tais no kafe Timor ba uma na’in nu’udar sinál agradeseimentu hosi povu no Governu Timor-Leste.
Embaixadór Timor-Leste ba Reinu Unidu, João Paulo halo aprezentasaun ba Xefe Governu no ekipa tomak hodi hasoru malu mós ho uma na’in ne’ebé aseita atu faan ninia uma ne’e ba Estadu Timor-Leste.
Hafoin vizita, Xefe Governu dehan, sei halo diskusaun kle’an iha Konsellu-Ministru hamutuk ho ekipa Komisaun Nasionál Aprovijionamentu (CNA, sigla portugés) no Konsellu Administrasaun Fundu Infraestrutura (CAFI, sigla portugés) hodi haree kestaun tékniku no orsamentu ne’ebé Ministériu Negósiu Estranejeru no Kooperasaum (MNEK) ne’ebé prevee ona iha Orsamentu Jerál Estadu (OJE) 2024 nian.
Embaixador, João Paulo agradese ba vizita Xefe Governu nian, tanba foin ba dahuluk, IX Governu Konstitusionál osan iha Orsamentu Jerál Estadu 2024 atu sosa uma no rai ba Embaixada Timor-Leste nian.
Diplomata Timoroan ne’e konsidera inisiativa atu sosa uma no rai ne’e di’ak tebes atu fasilita servisu Embaixada nian hodi hala’o misaun diplomátiku hodi fó atendimentu ba Timor-oan barak ne’ebé hela no servisu iha Reinu Unidu.
“Ita agradese tebes, ita nia PM Xanana hakarak aposta ba ita nia embaixada foun no ita nia konsuladu foun iha Irlandia do Norte. Ida ne’e pel primeira ves IX Governu halo programa ida ne’e hosi rai-laran to’o rai-liur”. Timor Post asesu husi portal Midia-GPM, Kuarta, 17/04/2024).
Durante vizita kompaña mós hosi ekipa tékniku CNA, Manuel Socorro no CAFI, Eusèbio Xavier inklui tékniku hosi Ministériu Planu Investimentu no Estratéjiku (MPIE) no ekipa embaixada nian.
1,422 total views, 3 views today
Bele hare Video Seluk :
Subscribe to Timorpost
