DILI-(TimorPost)–Diretór Klinika Hospital Nasional Guido Valadares (HNGV), Marcelino Correia, informa, Aban, Segunda (06/3), doutór espesialista na’in haat hosi Australia halo konsulta ba pasiente ibun sakat iha HNGV.
Nia hatete, total pasiente ne’ebé rejista ba operasaun liu ona Atus ida resin, loron ida Doutór sira sei atende mínimu pasiente na’in 10, se to’o loron 5, bele halo operasaun ba pasiente na’in 100.
“Operasaun Doutór Espesialista sira sei hala’o hosi Segunda (ohin) sira sei halo atendimentu espesiál ba labarik hirak ho ibun sakat,” nia dehan iha HNGV, Sábadu, (04/03).
Entretantu, Doutór Espesialista Cleft Plastik Plastik, Surgeo Mark Moore, hatete, tratamentu ida ne’e atu halo di’ak no rekupera ba labarik sira hetan oras ibun sakat no mós problema seluk.
“Atividade ne’e ami komesa ona iha tinan 2000, ami nia ekipa kontinua hala’o servisu hosi tinan 2000 to ‘o 2023 no ami espera katak iha tempu balun no ami nia ekipa sira bele servisu nafatin,” nia dehan.
Overseas Espesialista Surgeon Association of Australian (OSSAA), hanesan organizasaun naun-lukrativa ne’ebé bazeia iha Adelaide, South Australia no estabelese iha 2002. OSSAA oferese ona sirurjia boot ba ema kiak sira iha Timor-Leste no Indonézia Leste ne’ebé sofre hosi sunu, eklezina, espekulasaun seksuál, moras-lepra, moras, siberkadu, tuur halerik no trauma.
Doutór Espesialista sira ne’e kompostu hosi médium operadór ba ibun sakat nain 1, Anastazia main 1, infermeira ne’ebé ajuda sira iha sala operasaun nain 2, hamutuk nain 4. Operasaun plastik sei hala’o durante loron lima.
1,198 total views, 3 views today
Bele hare Video Seluk :
Subscribe to Timorpost
