DILI (timorpost.com) – Governu liuhosi Arkivu Muzeum Rezisténsia Timorense, Institutu Públiku (AMRT.IP) prevee orsamentu hamutuk 4,548,172.69 USD, hodi halo kontrusaun ba Jardín Chama Eterna Munisípiu Dili.
Arkivu no Muzeum Rezisténsia Timorense, nu’udar instituisaun públika ida ne’ebé hamrik ho ninia misaun prinsipál atu rekola, prezerva no divulga memória patrimónia istóriku nasionál ba luta povu Timorense nian.
“Ita prevee orsamentu ho total 4 milões hodi halo konstrusaun ba jardín chama enterna munisípiu Dili”, dehan Amar Antonio Alves ba Timor Post iha knaar fatin, Kuarta (15/02).
Nia afirma tan katak, kompañia ne’ebé manan prosesu konstrusaun iha kompañia rua, Start King Konstrução Unipesoal.Lda, Em Parceria Com DMF Aceso Unipesoal.Lda no Soares & Guterres Lda, And 3CLX Engenharia in join venture.
Enkuantu, durasaun ba kontrusaun projetu jardín chama enterna, durante fulan 18, hahú husi loron 09 fulan-Fevereiru tinan 2023 to’o 10 Fulan-Augustu 2024.
Diretór Jerál AMRT, Armar Antonio Alves, hatete iha tinan 2015 koresponde ba tinan 40 ona loron FALINTIL Forsa Defeza Timor-Leste (F-FDTL) nian, entaun hadi’a ona jardín refere.
Nia afirma, iha loron 26 fulan-Dezembru tinan 2020 lansa ona Jardín da Chama Eterna, tanba dezeñu konkliu ona no aban hahú halo konstrusaun Jardín Chama Enterna munisípiu Dili nian.
“Ita asina akordu ho kompañia Start King Unipesoal L.da, iha loron 26 fulan-Dezembru liubá, preparasaun husi kompañia buat sira kompletu ona, ita hakarak aban serimonia abertura ba konstrusaun ne’e”, nia afima.
Nia konta, uluk halo ona lansamentu ba jardín refere, entaun sei organiza ritual hahú ho kultura hanesan kee hodi hasai objetu sira atu salva konstrutór sira bele hala’o servisu.
Antonio hatutan, husi serimónia ritual ida ne’e mak akompaña konstrutór sira ne’e bele hala’o servisu to’o finaliza tuir kontratu ne’ebé iha ona.
“Entaun ohin iha sesaun rua, sesaun dahuluk iha parte dadeer halo serimónia ritual para hasai mate restu sira no loraik simbolikamente husi Estadu hodi halo abertura ba konstrusaun refere atu nune’e permite ba kompañia sira bele hala’o servisu”, nia informa.
1,533 total views, 3 views today
Bele hare Video Seluk :