DILI (timorpost.com)—Xefe Suku Bebonuk agradese ba Polisia Nasional Timor-Leste (PNTL) Munisipiu Dili ne’ebe hamutuk ho Komisaun Regulador Arte Marsial (KRAM) bele atende konvite hodi halo diálogu komunitariu fó hanoin ba joven sira ne’ebé maka sempre tuda malu iha area Bebonuk.
Lideransa Komunitaria Xefe Suku Bebonuk Serafin Masedo, hatete agradese ba parte PNTL no KRAM ne’ebé bele atende ona konvite.
“Konvite ba Komandu Distritál Dili no KRAM atu mai fó hanoin no sosializasaun ba Komunidade sira atu evita krime, problema iha Bebonuk”. Haktuir Xefe Suku, Bebonuk Serafin Masedo ba jornalista sira iha Sede Suku Bebonuk, Kuarta (20/09/2023).
Nia dehan, atividade sosializasaun ba joven sira ne’e importante no tenke lalais tanba situasaun kalan-kalan tuda malu iha suku Bebonuk liu-liu aldeia metin haat ho metin ida sempre akontese bebeik.
Husi atividade sosializasaun ne’e, parte autoridade lokál konvida lideransa rua husi rantin PSHT sub ranten no mós rantin IKS-PTL organizadu mai partisipa.
“Sosializasaun ne’e ho objetivu atu muda mentalidade provoka malu tuda malu, ba kria paz, fraternidade iha suku Bebonuk rasik”. Hakotu.
2,337 total views, 3 views today
Bele hare Video Seluk :
Subscribe to Timorpost
