DILI—Reprezentante povu iha uma fukun parlamentu nasionál liu hosi bankada opozisaun CNRT preokupa auditóriu iha iha tribunal tanba órgaun estadu ne’ebé sidauk iha komisaun auditoria independente to’o agora maka tribunal.
“Ita haree durante ne’e órgaun estadu hotu nian, servisu hetan auditoria ba sira nia servisu maibé úniku órgaun ida ne’ebé durante ne’e seidauk halo auditoria ba sira nia servisu maka órgaun tribunál, entaun iha plenária ida ne’e ha’u hakarak dehan katak presiza kria Komisaun Auditoria Independente ida para atu halo audita servisu Tribunal sira nian”, ezije deputada CNRT Carmelita Moniz iha PN, segunda,(13/07).
Eis Prezidente Komisaun A ne’ebé trata ba asuntu Lei no Justisa ne’e hatutan presiza halo auditoria karik sira nia servisu durante ne’e deskonfia hamosu injustisa ruma mós ita lahatene tanba laiha auditoria ba sira nia servisu.
Deputada argumenta presiza servisu Tribunal sira durante finansia hosi orsamentu estadu, karik mosu iha má-ezekusaun ruma ou mosu kazu subornu ruma iha prosesu judisiáriu nia laran presiza atu hatene tuir, tanba ne’e presiza kria komisaun Auditoria Independente para atu fiskaliza.( Jornalista: Julio Salinas Soares)
632 total views, 3 views today
Bele hare Video Seluk :