DILI (timorpost.com) — Adjuntu Sekretáriu Jerál Parlamentu Nasionál, João Rui Amaral, hatete karreta ne’ebé lori Vise Prezidente Parlamentár Nasionál, Maria Angelina Sarmento, baku-fila iha Munisípiu Manatutu ne’e, agora iha ona Patrimóniu Estadu.
“Karreta agora tula tiha ona mai no agora iha hela Patrimóniu Estadu, tanba ami seidauk simu rezultadu diagnóstiku kona-ba atu hadi’a karreta ne’e ka la’e,” nia hateten iha Parlamentu Nasionál, Sesta (30/09).
Nia dehan, karreta agora iha ne’e kona-ba hadi’a ka lae, sira-nia parte sei hein de’it rezultadu diagnóstiku kona-ba karreta refere mak bele deside hadi’a ka la hadi’a.
“Ami hein de’it rezultadu diagnóstiku, karik rezultadu ne’e sai ona ami foin bele deside oinsá atu hadi’a fali karreta ne’e ka la hadi’a ona,” deklara nia.
Enkuantu asidente ne’e akontese iha Suku Orlalan, Postu Administrativu Laklubar, Munisípiu Manatutu, maizumenus tuku 09:00 resin Oras Timor-Leste nian, iha loron (18/08) liubá, no karreta refere kondús husi Vise-Prezidente Parlamentu Nasionál, Maria Angelina Sarmento, nia kaben.
1,721 total views, 3 views today
Bele hare Video Seluk :