DILI, (timorpost.com)—Guarda Prizional Bekora lamenta membru (Polisia Sientífiku Investigasaun Kriminál (PSIK) lori Instituisaun nia naran husu osan ba Família Fujitivu Arnolfo Teves Jr.
Diretor Prizaun Becora, Julio Dias Ximenes lamentável ho atus refere tanba lori guarda prizonal nia naran hodi husu osan.
” Liga ho informasaun ida ne’e, ami nia pozisaun nu’udar guarda prizonal, ami sente la santifas, tanba uza fali ami guarda prizonal nia naran depois husu osan ba família fujitivu Arnolfo Teves Jr, atu nune’e fó ba ami guarda Prizonal atu asegura detidu ne’e,” Diretór Prizaun Bekora hatete ba Timor Post, Domingo (14/04).
Diretór ne’e hakarak husu ba oknum pesoál PSIK atu esklarese membru guarda prizonal ida ne’ebé, presiza hatene.
” Ami hakarak hatene guarda ida ne’ebé, ida ne’e la los ida, ne’ebé ami sente ami la dun kontente ba hahalok sira hanesan ne’e, tanba ami nian knaar ne’e la’os ba asegura ba ema estranjeiru de’it, ami atu asegura ne’e ba ema dadur hotu-hotu, ne’ebe maka detein iha prizaun laran ne’e, ami nia responsabilidade, maibé kona ba husu osan ne’e ami rezeita ami la hatene, husu ba Oknum pesoal PSIK ne’e, tanba sa mak nia husu osan ba detidu nia oan mane ka família sira,” nia argumenta.
Diretór Prizaun Bekora garante katak membru guarda prizonal sira la halo ida ne’e.
“Ha’u garante ba ita boot sira, ha’u nia guarda prizonal sira la halo ida ne’e, tanba kada loron iha formasaun ha’u sempre ko’alia, detidu rasik ha’u direitamente kontrola ha’u guarda bloku sira ne’e, ne’ebé atu husu ne’e ha’u hatete ba ita boot, durante tinan 20 resin guarda prizonal hala’o nia servisu seidauk husu osan ba detidu nia família ka ou detidu ne’e la iha, ida ne’e ami nia servisu, nusa ami tenke husu osan,” nia subliña.
1,269 total views, 3 views today
Bele hare Video Seluk :