DILI, (timorpost.com)—Jurista Timoroan Fernando da Costa hatete, Tribunál Rekursu (TR) iha kompeténsia atu absolve ba kondenadu Antonio Conceição ‘Kalohan’, tanba iha faktu ka prova, ne’ebé produz, durante iha julgamentu produzaun provas, ladún forte para atu bele kondena Antonio Conceição ‘Kalohan’, entaun Tribunál Rekursu nia bele absolve.
“Hanesan bain-bain ha’u hatete, dala ruma tribunal Primeira Instánsia Dili nia desizaun hare ba iha faktu balun, ou dala ruma nia hare ba podér ne’ebé Antonio Conceição ‘Kalohan’ iha, neste momentu hanesan Ministru Komérsiu Indústria (MKI), entaun tribunal bele bazeia ba ida ne’e, tribunal Primeira Instánsia bele fó kondenadu Antonio Conceição ‘Kalohan ‘ ho prizaun tinan efetivu,” dehan Jurista Fernando ba Timor Post iha TJPID, Sábadu (13/04).
Tuir Jurista ne’e haktuir, maibé iha parte seluk, dala ruma iha produsaun iha julgamentu produsaun ba provas ne’e mós, husi parte testemuña sira, nia deklarasaun bele haforsa fila fali ka konklui fila fali ho faktu ne’ebé Antonio Conceição ‘Kalohan’ aprezenta.
Tanba ne’e, provas ne’ebé promove husi Ministériu Públiku ( MP), ba tribunal nia bele hatete katak provas sira ne’e, sei faktu provadus duni katak sim nia mak asina, maibé Antonio Conceição ‘Kalohan’ nia razaun katak nia asina, tanba asesór halo verifika tiha ona ba iha karta, dadus sira ne’e hotu, depois mai asina de’it ona, entaun ida ne’e razaun.
1,128 total views, 3 views today
Bele hare Video Seluk :
Subscribe to Timorpost
