DILI, (timorpost.com)—Sosiedade Sivíl liu husi Asosiasaun HAK, husu parlamentu nasionál esplika klaru ba públiku relasiona ho alterasaun lei ba Komisáriu Anti Korrupsaun (KAK).
Diretór Ezekutivu HAK, Feliciano da Costa Araújo hatete, partidu boot rua ne’e hakarak kombate korrupsaun ka lae! imi iha duni interese hakarak luta atu prevene ba ema la halo korrupsaun, nusa mak la diskute ona.
“Atu halo alterasaun ba iha lei KAK, entaun ba futuru ne’e atu hili komisáriu ba asuntu kombate korrupsaun nian ne’e, di’ak liu loke ba públiku, para se mak interese aplika depois halo selesaun, depois atu tomada pose maka ba iha parlamentu nasionál. Hakarak atu halo revee ba lei KAK ne’e, iha parte artigu ne’ebé la relevante, hatete took ba sosiedade tomak, ida ne’ebé mak la relevante, razaun fundamental saida, tanba sira maka halo lei, no sira mak fiskaliza, entaun sira tenke hatene duni, la relevante tanba saida “dehan Feliciano ba Timor Post, Domingo (07/04).
Nia dehan, sira hakarak revee lei KAK, sira tenke fó kompeténsia másimu tebes-tebes ba iha komisáriu KAK ou instituisaun KAK ne’e, atu nune’e bele kombate ba iha korrupsaun duni.
“Alterasaun ida ne’e signifika atu fó vantajen boot ba iha sosiedade, la’ós ba ema ida ka rua nian interese, maibé se bele karik halo alterasaun ne’e povu sente katak ida ne’e interese ba povu hotu-hotu, “dehan nia.
1,068 total views, 3 views today
Bele hare Video Seluk :
Subscribe to Timorpost
